„რადიო თავისუფლება“ პირველი ქართული გამოცემაა, რომელიც ყველაზე წარმატებულ ქართველ დიზაინერთან, დემნა გვასალიასთან ჩაწერა ინტერვიუ და რომელსაც მოუთმენლად ველით.

პირველ ივლისს, დემნა გვასალიას ბრენდის, Vetements-ის (ვეტმო) ჩვენება გაიმართა.

უცხოური მედიის შეფასებით, დემნა გვასალიას 2019 წლის გაზაფხული-ზაფხულის ახალი კოლექცია Vetements -ში ყველაზე პირადული იყო, რადგან მის აღზრდას და საქართველოს პოლიტიკურ პრობლემებს უკავშირდებოდა. კოლექციაში ნახავდით ყველაფერს 90-იანებიდან და არა მარტო 90-იანებიდან. დემნა საქართველოს თნამედროვე აქტუალურ თემებსაც შეეხო.

სანამ ინტერვიუს ვნახავთ, „რადიო თავისუფლება“ ინტერვიუდან ამონარიდებს გვთვაზობს.

„ცხადია, ჩემი ყველა კოლექციიდან საქართველოც გამოსჭვივის. ესაა, რაც ვარ, რაც ვისწავლე, რაც მომწონდა...ამან ჩემზე დიდი გავლენა მოახდინა და ამიტომ ჩანს ეს შემდეგ ყველაფერში, რასაც ვაკეთებ.

ყოველთვის მიჭირდა ამეხსნა, საიდან ვარ. ვერასოდეს მოვახერხე ჩემი იდენტობა წინ წამომეწია. ახლა კი ის „მაგიდაზე იდო“ ყველას დასნახად! ასე რომ ეს ჩვენება არ ყოფილა, როგორც ამბობენ , „ჩემი ტრავმის კომერციალიზაცია“. ეს იყო ჩემს ტრავმასთან შეგუება და მის შემოქმედებად გადაქცევა".