საქართველოს იუსტიციის მინისტრის თეა წულუკიანის განცხადებით, ბიძინა ივანიშვილის მიერ გამოთქმული იდეა მმართველი გუნდის საპრეზიდენტო კანდიდატის წარდგენასთან დაკავშირებით საინტერესოა. წულუკიანი აღნიშნავს, რომ აღნიშნული იდეა ივანიშვილმა ელცებსაც გააცნო:

„რაც შეეხება საპრეზიდენტო კანდიდატის წარდგენასთან დაკავშირებულ იდეას, რომელიც არის მთლიანად ბიძინა ივანიშვილის იდეა და ამაზე თამარ ჩუგოშვილმაც ისაუბრა, რომ ის ესწრებოდა არაერთ შეხვედრას, მათ შორის ელჩებთან შეხვედრას ბიძინა ივანიშვილისას, სადაც გაჟღერდა, რომ პარტიის თავმჯდომარეს აქვს ასეთი იდეა, ვთვლი, რომ ეს ძალიან საინტერესო პოზიციაა. თუკი ეს მოხდებოდა, რომ ივანიშვილის ამ ინიციატივას მოჰყვებოდა შესაბამისი გადაწყვეტილება და მართლაც, ნეიტრალური ან ოპოზიციური კანდიდატი იყრიდა კენჭს საპრეზიდენტო არჩევნებში, დემოკრატიული პროცესების გააქტიურებისთვის ეს კიდევ უფრო საინტერესო პროცესი იქნებოდა ჩვენს ქვეყანაში და მმართველი გუნდი თუ სხვა კანდიდატებს დაუთმობდა ასპარეზს, იმისთვის რომ ისინი კონკურენტუნარიან გარემოში შეეჯიბრონ ერთმანეთს და ვისაც ხალხი აირჩევს მან გაიმარჯვოს“,- განაცხადა წულუკიანმა.