"ხე-ტყეს სჭირდება დაცვა, დღევანდელი დღეც ამის დასტურია"- ფინანსთა მინისტრი მაღალჩინოსნების დაკავებას არ გამორიცხავს

პოლიტიკა - 16:07, 26 Jul, 2018

1140

ფინანსთა მინისტრის, ივანე მაჭავარიანის განცხადებით, საქართველოს ეკოლოგიური პრობლემები გაცილებით მნიშვნელოვანია, ვიდრე ეკონომიკური.

„ეს არის პირველადი გადამუშავების პროდუქტი - ხის მორები და ფიცრები, შეიძლება გაგიკვირდეთ იმპორტის ხელშეწყობა, მაგრამ ეს ის შემთხვევაა, როდესაც ჩვენი ეკოლოგიური პრობლემები გაცილებით უფრო მნიშვნელოვანია, ვიდრე ეკონომიკური. ხე-ტყეს სჭირდება დაცვა და დღევანდელი დღეც ამის დასტურია, სვანეთში მიმდინარე ღონისძიება სწორედ ამ სტრატეგიის ფარგლებში ხორციელდება,რადგან მხოლოდ გასული ორი კვირის განმავლობაში, ჩვენ გამოვავლინეთ დაახლოებით 15 შემთხვევა და 15 პირია დაკავებული უკანონო ჭრასთან დაკავშირებით. ფინანსთა სამინისტროს საგამოძიებო სამსახური ძალიან აქტიურად გააგრძელებს ამ მიმართულებით მუშაობას, ეს ძალიან მნიშვნელოვანია და რასაკვირველია, ყველაფერი იქნება კანონის ფარგლებში“, - განაცხადა ივანე მაჭავარიანმა.

კჟურნალისტები დაინტერესდნენ არიან თუ არა ამ საქმეზე დაკავებული თანამდებობის პირები ან იგეგმება თუ არა, რაზეც მაჭავარიანი ამბობს, რომ განცხადებას საგამოძიებო სამსახური გააკეთებს.

„მგონი, დღის ბოლოს საგამოძიებო სამსახური გააკეთებს განცხადებას. გამორიცხვით ვერაფერს გამოვრიცხავთ, მაგრამ გამოძიების შესახებ მეტი ინფორმაცია გვექნება“, - აღნიშნა მინისტრმა.