რუსული მედიის ცნობით, სტამბოლში, ე.წ. კანონიერი ქურდის ნიკოლოზ დგებუაძის იგივე ნიკოლოზ გაგრინსკის ქორწილი გაიმართა.

ქორწილში, რომელიც კომპლექს Esa Royal Park-ში შედგა, ე.წ. კრიმინალური ავტორიტეტები ოჯახებთან ერთად იმყოფებოდნენ. მათ შორის იყვნენ ე.წ. მეგრული კლანის ქარდავა-მზარელიას კლანის ყველა მთავარი წარმომადგენელი და ასევე გავლენიანი „კანონიერი ქურდი“ დათო ოსეტინი.

ქორწილში იმყოფებოდა ნა­დირ სა­ლი­ფო­ვი იგივე გული, რომლის ესკორტშიც კოტომა, სულიკო ნიჟარაძე და ალფასონი იყვნენ.

როგორც გამოცემა წერს, „გადაჭარბებული არ იქნება თუ ვიტყვით, რომ დღეს გულის გარშემო ქურდული დიპლომატია ტრიალებს. შაქ­რო კა­ლა­შო­ვის და­პა­ტიმ­რე­ბის შემ­დეგ ქურ­დუ­ლი სამ­ყა­როს ბო­სის სტა­ტუ­სის­თვის ის იბ­რძვის. ის წარ­მო­შო­ბით გარ­დაბ­ნიდანაა და სა­ქარ­თვე­ლოს მო­ქა­ლა­ქის პას­პორ­ტს ფლობს.

გამოცემის ცნობით, ამ ეტაპზე, „ქურდულ სამყაროში“ რეალურ ძალას ორი ადამიანი ფლობს: გული და მერაბ სუხუმსკი.