"პრეზიდენტ ტრამპს კარგად ესმის, თუ რა გამოწვევებს უქმნის რუსეთი აშშ-ს და მის მოკავშირეებს"- მაიკლ პომპეომ სენატშ საქართველოზე ისაუბრა

პოლიტიკა - 12:26, 26 Jul, 2018

867

სენატში აშშ-ს სახელმწიფო მდივნის მაიკ პომპეოს მოსმენისას, რომელიც ჰელსინკში გამართულ ამერიკისა და რუსეთის პრეზსიდენტების შეხვედრას დაეთმო, სენატორმა ბობ კორკერმა, რომელიც სენატის საგარეო ურთიერთობათა კომიტეტს ხელმძღვანელობს, რუსეთის დესტრუქციულ ქმედებებზე საუბრისას საქართველოს ტერიტორიების ოკუპაცია ახსენა, საქართველო მაგალითად მოიყვანა ამერიკის სახელმწიფო მდივანმაც, რომელმაც სხდომის მონაწილეებს იმ კონკრეტული ქმედებების შესახებ მოახსენა, რომელსაც აშშ- ში რუსეთიდან მომდინარე საფრთხეებისა და მოკავშირეების დასაცავად იყენებს, მათ შორის საქართველოსთვის ჯაველინების მიწოდება, ამავე საკითხზე საკუთარ გამოსვლაში ყურადღება გაამხვილა ასევე სენტორმა მარკო რუბიომ.

“პრეზიდენტ ტრამპს კარგად ესმის, თუ რა გამოწვევებს უქმნის რუსეთი შეერთებულ შტატებს და ჩვენს პარტნიორებსა და მოკავშირეებს. მან სერიოზული ზომები მიიღო ჩვენი ინტერესების დასაცავად-213 სანქცია იყო დაწესებული რუს იურიდიულ და კერძო პირების წინააღმდეგ. ამერიკიდან 60 რუსი ჯაშუშის გაძევება მოხდა. შეერთებული შტატები მონაწილეობდა 150-მდე სამხედრო წვრთნაში ევროპაში. ჩვენ გავხადეთ ხელმისაწვდომი თავდაცვითი შეიარაღება საქართველოსა და უკრაინისთვის. ევროპის თავდაცვითი ინიციატივის პროგრამის დაფინანსებაზე შეერთებულმა შტატებმა 11 მილიარდ დოლარზე მეტი გამოყო. ეს არის არასრული სია იმ ქმედებებისა, რომლებიც მოქმედმა ადმინისტაციამ რუსეთის საზიანო ქმედების საპასუხოდ განახორციელა.“- განაცხადა პომპეომ.