"საერთაშორისო გამჭვირვალობა საქართველომ" წინასაარჩევნო პერიოდის მონიტორინგის მორიგი შედეგები გამოაქვეყნა

საზოგადოება - 16:18, 28 Sep, 2012

1432

ანგარიშის პრეზენტაცია, "საერთაშორისო გამჭვირვალობა საქართველოს" ოფისში, ორგანიზაციის აღმასრულებელმა დირექტორმა ეკა გიგაურმა და მონიტორინგის პროექტის ავტორმა ლევან ნატროშვილმა გამართეს.მონიტორინგმა გამოავლინა "სამართლებლივი რესურსების პოლიტიკური და საარჩევნო მიზნების გამოყენება, კერძოდ, ანგარიშის მიხედვით, წინასაარჩევნო პერიოდში, მიზანშეუწონელია ახალი, განსხვავებული, რეგულაციების მიღება, თუმცა მიუხედავად ამისა, სახელმწიფო ორგანოების მხრიდან მაინც მოხდა რამდენიმე საკითხის ახლებურად დარეგულირება". ანგარიშში საუბარია კანონის აღსრულების პრობლემასა და შერჩევის სამართალწარმოებაზე, ასევე აღნიშულია, რომ წინასაარჩევნო პერიოდში, მსგავსად არჩევნების დანიშვნამდე პერიოდისა, პოლიტიკური ნიშნით არაერთი ზეწოლის ფაქტი გამოვლინდა.ასევე ანგარიშის მიხედვით, სახეზეა საანგარიშო პერიოდში სახელმწიფოს ინსტიტუციური რესურსები პოლიტიკური და საარჩევნო მიზნების გამოყენება და გარდა ამისა, ამომრჩევლის მოსყიდვის ნიშნების შემცვლელი ქმედებები, როგორც ოპოზიციური, ისე მმართველი პარტიის მხრიდან.მონიტორინგის შედეგების პრეზენტაციაზე, ასევე გიგაურმა აღნიშნა, რომ "მიუხედავად წლების განმავლობაში მიმდინარე საუბრებისა იმის შესახებ, რომ საარჩევნო კანონმდებლობა არჩევნებამდე ერთი ან ორი თვით ადრე არ უნდა შეიცვალოს, ცენტრალურმა საარჩევნო კომისიამ დადგენილება შეიტანა, რომლის მიხედვით, სადამკვირვებლო ორგანიზაციებსა და მედიას, საარჩევნო უბნებზე ფოტო, ვიდეო გადაღებებთან დაკავშირებით შეზღუდვები დაუწესდა".თავის მხრივ, ლევან ნატროშვილმა, განაცხადა, რომ "გასული საანგარიშო პერიოდის მონიტორინგის შედეგების მსგავსად, მოცემულ ანგარიშში დაფიქსირებულია, რომ სახელმწიფო აუდიტის სამსახურის გადაწყვეტილებები ჯარიმებთან დაკავშირებით, გაუგებარი და მიკერძოებულია".