ერთი საათით გადაყენებული გურიის გუბერნატორი: „ჯერ გადააყენეს და მერე აღადგინეს“

ერთი საათით გადაყენებული გურიის გუბერნატორი: „ჯერ გადააყენეს და მერე აღადგინეს“ - „ოცნებური“ პარადოქსი

პოლიტიკა - 11:55, 26 Jul, 2018

2043

გურიის გუბერნატორი თნამშრომლებს ემშვიდობებოდა, პრემიერი ბახტაძე კი, იცინოდაო. ვერაფერი გაიგეთ? - არა უშავს, გურიის გუბერნატორი მერაბ ჭანუყვაძეც დიდ გაუგებრობაში აღმოჩნდა. საქმე ის გახლავთ, რომ ამ დილით, როგორც კი გავრცელდა ინფორმაცია, რომ პრემიერი გუბერნატორებს ათავისუფლებდა, ბატონმა ჭანუყვაძემ „ოცნებური“ წინდახედულება გამოიჩინა, თანამდებობა საკუთარი სურვილით დატოვა და თანამშრომლებსაც დაემშვიდობა, მაგრამ ჰოი, საოცრებავ! - ბახტაძემ ჭანუყვაძე მოხსნილთა სიაში არ დაასახელა, რაც იმას ნიშნავს, რომ ჭანუყვაძე თანამდებობაზე დარჩა.ახლა, საკითხვაია, რას ეტყვის ჭანუყვაძე თნამშრომლებს, რომლებსაც ჯერ კიდევ ამ დილით ცრემლმორეული ემშვიდობებოდა?! ალბათ, თავს გაიმართლებს, მეგონა, მეც ცუდი ბიჭი ვიყავი და შინ მიშვებდნენ, მაგრამ თურმე, კარგი ბიჭი ვყოფილვარო.მოკლედ, ჭანუყვაძის გათავისუფლება დარჩენა „ოცნებური“ პარადოქსია, რომელიც ერთი ცნობილი ტელესპექტაკლის რიმეიკადაც გამოდგეს, ოღონდ ამ სპექტაკლს „ჯერ დაიხოცნენ და მერე იქორწინეს“ კი არა, არამედ, ასე ერქმევა - „ჯერ გადააყენეს და მერე აღადგინეს“!