საქართველოს პრემიერ-მინისტრი მამუკა ბახტაძე დღეს გამართულ ბრიფინგზე ბიძინა ივანიშვილის ინტერვიუს გამოეხმაურა. ბახტაძე მიიჩნევს, რომ ივანიშვილმა სწორი აქცენტები გააკეთა იმ გამოწვევებზე, რაც ქვეყნის ეკონომიკას დღეს აქვს:

„ბიძინა ივანიშვილმა გააკეთა სწორი აქცენტები იმ გამოწვევებზე, რაც დღეს ქვეყნის ეკონომიკაში არსებობს. დიახ, ჭარბვალიანობა რჩება მნიშვნელოვან გამოწვევად იცით, რომ აქტიურად ვმუშაობთ ამ მიმართულებით და პირველი ნაბიჯები გადავდგით და ეს არ არის საკმარისი და უახლოეს პერიოდში საზოგადოებას ახალ ინიციატივებს შევთავაზებთ, რომ ამ პრობლემის სიმწვავე მნიშვნელოვნად შემცირდეს ეკონომიკაში და როგორც სისტემური რისკი ის საერთოდ შემცირდეს. ჩვენ ეროვნულ ბანკთან ერთად დავიწყეთ მნიშვნელოვანი ნაბიჯების გადადგმა, რათა ფინანსურ სექტორში დამკვიდრდეს სამართლიანი წესები, რომელიც საშუალებას მოგვცემს გამოვრიცხოთ ისეთ ფაქტები, რაც წარსულში ხდებოდა”, – განაცხადა მამუკა ბახტაძემ.