"ციანიდის საქმეზე" შესაძლოა სინოდმა იმსჯელოს - დაკავებულ დეკანოზს მღვდელმთავრები შეხვდნენ

პოლიტიკა - 09:53, 26 Jul, 2018

976

მესტიისა და ზემო სვანეთის მიტროპოლიტი ილარიონი და ფოთისა და ხობის მიტროპოლიტი გრიგოლი გუშინ ე.წ „მატროსოვის ციხეში“ იმყოფებოდნენ, სადაც ისინი ე.წ „ციანიდის საქმეზე“ დაკავებულ სასულიერო პირს, დეკანოზ გიორგი მამალაძეს შეხვდნენ.

მღვდელმთავრების თქმით, მამა გიორგის მონახულების ძირითადი მიზანი ნუგეშისცემა და მისი მდგომარეობის გაგება იყო. არ არის გამორიცხული რომ სინოდის უახლოეს სხდომაზე გიორგი მამალაძის საკითხთან დაკავშირებით მსჯელობა შედგეს.

დამატებით რა ინფორმაცია მიაწოდა მეუფეებს დეკანოზმა მამალაძემ, ამის შესახებ მისი უფლებადამცველისთვის დღეს გახდება ცნობილი. გიორგი მამალაძეს დღეს მისი ადვოკატი გიორგი ფანცულაია მოინახულებს. ადვოკატის ინფორმაციით, მეუფე გრიგოლის გარდა, დეკანოზი მამალაძე ე.წ. მატროსოვის ციხეში სხვა მღვდელმთავრებმაც მოინახულეს, რის შედეგადაც მაღალი იერარქიის სასულიერო პირებს ციანიდის საქმეზე უკვე დეტალური ინფორმაცია გააჩნიათ.

"ძალიან მნიშვნელოვანია ეს შეხვედრა შემდგარიყო, იმიტომ რომ საკმაოდ დიდი ხანი გავიდა ციანიდის ამ სკანდალის დაწყებიდან და სამწუხაროდ გარკვეულ პირებს თითქოსდა ყველა კითხვა არ აქვს ამოწურული ამ საკითხთან დაკავშირებით. პირველ რიგში დეკანოზ გიორგი მამალაძის და ჩვენი, ადვოკატების ინტერესი არის რომ არ დარჩეს ამ საქმეზე კითხვები,"-აცხადებს გიორგი ფანცულაია.