თბილისში, ხორავას ქუჩაზე მომხდარი მკვლელობის საქმეზე საგამოძიებო კომისიის სხდომა დასრულებულია. პროკურატურის მაღალჩინოსნებმა პარლამენტის შენობა უკვე დატოვეს.

ოთარ კახიძის განცხადებით, მას პროკურორებმა უპასუხეს, რომ თურმე ის პირი, რომელიც ჩხუბში მონაწილეობდა და რომელიც დავით სარალიძეს აკავებდა, მაშინ როდესაც მას დანას ურტყამდნენ, არ ითვლება დანაშაულის თანამონაწილედ.

„როდესაც ადამიანი ხედავს, რომ მსხვერპლს აყენებენ მრავლობით დაზიანებებს და მოქმედებენ მისი მოკვლის განზრახვით და ამ დროს მას უჭირავს მსხვერპლი, ეს ადამიანი ხდება ავტომატურად ამ მკვლელობაში თანამონაწილე. ამ მკვლელობის თანააღმსრულებელი. შესაბამისად, ეს კაზუსი იმდენად მარტივია, რომ ამაზე როდესაც პროკურატურას არ აქვს ცალსახა პასუხი და პირიქით ცდილობს ამ ფიგურის გამართლებას ეს არის ძალიან საშიში კრიმინალის ბრძოლის წინააღმდეგ კუთხით და ამ სიტუაციაში ძალიან შემაშფოთებელი,“-განაცხადა ოთარ კახიძემ.