მიმდინარე წლის 27 ივლისს, 16:00 საათზე მასწავლებელთა პროფესიული განვითარების ეროვნულ ცენტრში გაიმართება ღია კარის დღე საგრანტო კონკურსებში „სკოლის დირექტორთათვის დამხმარე რესურსების შექმნა” და „საჯარო სკოლების დირექტორთა თანამშრომობითი კულტურის გაძლიერება და პროფესიული განვითარება“ მონაწილეობის მსურველთათვის.

შეხვედრაზე დაინტერესებულ პირებს ცენტრის წარმომადგენლები გააცნობენ საგრანტო კონკურსების პირობებს და უპასუხებენ მათ შეკითხვებს.

საგრანტო კონკურსის „საჯარო სკოლების დირექტორთა თანამშრომლობითი კულტურის გაძლიერება და პროფესიული განვითარება“ მიზანია საჯარო სკოლების დირექტორთა თანამშრომლობითი კულტურის გაძლიერება და პროფესიული განვითარების ხელშეწყობა, ხოლო საგრანტო კონკურსი სკოლის დირექტორთათვის დამხმარე რესურსების შექმნა გულისხმობს თემების იდენტიფიცირებას, სტატიების მომზადებას, ბეჭდურ გამოცემაში გაერთიანებას, ბეჭდვას და ყველა საჯარო სკოლისთვის მიწოდებას.

მასწავლებლების პროფესიული განვითარების სერვისების დეცენტრალიზაცია მიზნად ისახავს, სწავლა-სწავლების ეფექტიანობის გაზრდას მასწავლებელთა საჭიროებებზე დაფუძნებული პროფესიული განვითარების გზით, რაც გულისხმობს საჭიროებებზე და შედეგზე მაქსიმალურად ორიენტირებული სერვისების მეტად გამრავალფეროვნებას, სკოლის ბაზაზე პროფესიული განვითარების სისტემის განვითარებასა და სერვისის მიწოდების გზებისა და მიმწოდებლების დივერსიფიცირებას.

საგრანტო კონკურსებში განაცხადების მიღება წარმოებს 2018 წლის 4 ივლისის 12:00 საათიდან 2018 წლის 30 ივლისის 18:00 საათამდე.