შინაგან საქმეთა სამინისტროს დაცვის პოლიციის დეპარტამენტმა საინკასაციო მომსახურებისთვის „ფორდ ტრანზიტ“-ის მარკის დაჯავშნული 15 ავტომანქანა შეიძინა. დაცვის პოლიცია საქართველოში მოქმედ თითქმის ყველა მსხვილ ბანკს და ძირითად საფინანსო ორგანიზაციას ფულადი სახსრების ინკასაციის სერვისით მრავალი წელია ემსახურება. ავტოპარკის განახლების მთავარი მიზანს წარმოადგენდა, მომსახურების ხარისხის გაუმჯობესება, ინკასაციის სფეროში დასაქმებული თანამშრომლების უსაფრთხოების სტანდარტების გაზრდა.

შინაგან საქმეთა მინისტრის მოადგილე ლევან კაკავა დაცვის პოლიციის დეპარტამენტს ეწვია და დეპარტამენტის თავმჯდომარესთან გიგა ნიკოლეიშვილთან ერთად ინკასაციის სამმართველოს ავტოპარკი დაათვალიერა. დეპარტამენტში არსებულ სიახლეებს ასევე, გაეცნენ ბანკების, მიკროსაფინანსო ორგანიზაციებისა და კერძო კომპანიების წარმომადგენლები, რომლებიც ინკასაციის კუთხით დაცვის პოლიციის დეპარტამენტთან თანამშრომლობენ.

დაცვის პოლიცია უსაფრთხოებაზე სრული პასუხისმგებლობის აღებით, საფინანსო ორგანიზაციებს სთავაზობს აღნიშნული ფულადი სახსრების რისკების, მათი საქმიანობიდან (ბიზნესიდან) გამიჯვნას და უსაფრთხოების მაღალი ხარისხით, კომფორტულ მომსახურებას. მიმდინარე წელს მომსახურების ხარისხის გაუმჯობესების მიზნით დაცვის პოლიციის დეპარტამენტის მოძრავი ტვირთებისა და ფიზიკურ პირთა დაცვის სამმართველოში 35 ახალი სედანის ტიპის ავტომობილის შეძენა იგეგმება.