მაკდონალდს საქართველომ მარკეტინგული სტრატეგიისთვის ჯილდო დაიმსახურა

ბიზნესი & ეკონომიკა - 09:43, 25 Jul, 2018

1683

მაკდონალდსის მარკეტინგის დეპარტამეტის ხელმძღვანელი მარიამ ჭანტურია და მისი გუნდი 86 მონაწილეთა შორის საუკეთესოდ აღიარეს. პირველი საპატიო ადგილი მარიამ ჭანტურიას გუნდმა მიუნხენში „მაკდონალდსის“ საერთაშორისო workshop-ზე მოიპოვა.

ერთკვირიანი workshop-ი ივნისში “Worldwide Hamburger Marketing University”-ში იმართებოდა, სადაც მსოფლიოს მასშტაბით 40-მდე ქვეყნის მაკდონალდსის 86 მარკეტინგის მენეჯერი მონაწილეობდა. Workshop-ის ფარგლებში გუნდებს დაევალათ სამ დღე-ღამეში მარკეტინგული გეგმის შედგენა, რომელიც სპეციალურად მოწვეულმა მაკდონალდსის წამყვანმა სენიორ მენეჯერებმა განიხილეს და გამოავლინეს გამარჯვებული.

„ეს იყო ძალზედ ნაყოფიერი და საინტერესო Workshop-ი. ნაშრომზე მუშაობა მიმდინარეობდა 3 დღე-ღამის განმავლობაში. ჩემთვის ნამდვილად საამაყო ფაქტია, რომ ჩვენმა ნაშრომმა ასეთი მაღალი შეფასება დაიმსახურა და გვაღიარეს, როგორც საუკეთესო მარკეტინგული გეგმის ავტორები. თითოეული მონაწილე მათი საქმის პროფესიონალი და დიდი გამოცდილების მატარებელია, რაც კიდევ უფრო სასიხარულოს ხდის ჩვენს აღიარებას, ეს ჯილდო საპატიო ადგილს დაიკავებს მაკდონალდსის სხვა ჯილდოებს შორის,“ - აცხადებს მარიამ ჭანტურია.

“Worldwide Hamburger Marketing University”- ი 50 წელია არსებობს და უზრუნველყოფს მაკდონალდსის მსოფლიო ქსელის მენეჯერების აღზრდას და განვითარებას. მასში მოსახვედრად აუცილებელია წინასწარ რეზიუმეს და მონაცემების გაგზავნა, რის შედეგადაც ხდება კანდიდატების ინდივიდუალური განხილვა, და მხოლოდ შერჩეული კანდიდატებს აქვთ მონაწილეობის უფლება.

„მაკდონალდს საქართველოს“ ოპერირების განმავლობაში არააერთი ჯილდო აქვს მიღებული, 2016 წელს მაკდონალდსის ქსელის ევროპის ცენტრალურმა ოფისმა „მაკდონალდს საქართველო“ ევროპაში საუკეთესოდ აღიარა, 2017 წელს ევროკავშირმა შშმ პირების ერთ-ერთ საუკეთესო დამსაქმებლის სტატუსით დააჯილდოვა, 2018 წელს, მაკდონალდს საქართველოს ბათუმის რესტორნის დირექტორი, მსოფლიოს მასშტაბით 345 კანდიდატიდან საუკეთესოდ აღიარეს, და უკვე მინიჭებული ჯილდოების ჩამონათვალში, მარკეტინგული სტრატეგიაც აღინიშნება.