"არ ჩანს მტკიცებულებები, რომ პროკურატურამ გადაამეტა" - ივანიშვილი მოზარდების მკვლელობის საქმეზე

პოლიტიკა - 22:12, 24 Jul, 2018

1393

პარტია „ქართული ოცნება – დემოკრატიული საქართველოს“ თავმჯდომარე, ბიძინა ივანიშვილი თვლის, რომ "ხორავას ქუჩაზე მკვლელობის საქმეზე საზოგადოების მძაფრ ემოციურ განცდას პროკურატურამ და მთელმა მთავრობამ აბსოლუტურად ადეკვატურად უპასუხეს".

„ის, რაც ხორავას ქუჩაზე მოხდა, რა თქმა უნდა, ტრაგიკულია ჩვენი ქვეყნისთვის. საზოგადოების რეაქცია პროკურატურის გამოძიებასთან დაკავშირებით იყო ისეთი, როგორიც იყო – ძალიან მძაფრი და სენსიტიური, რომელსაც პროკურატურამ ადეკვატურად უპასუხა. მხედველობაში მაქვს შოთაძის გადადგომა. ჯერ არავის დაუმტკიცებია და არ ჩანს მტკიცებულებები, რომ პროკურატურამ გადაამეტა ძალაუფლებას, ან ვერ შეასრულა, არ გააკეთა, ან პიროვნულად ჰქონდა მას რაღაც დამოკიდებულება, რასაც მე პიროვნულს გამოვრიცხავ შოთაძის მხრიდან. საზოგადოების ძალიან მძაფრ ემოციურ განცდას აბსოლუტურად ადეკვატურად უპასუხეს პროკურატურამ და მთელმა მთავრობამაც. თუ გახსოვთ, მიტინგები ამ ფონზე როგორ ვითარდებოდა, როგორ იქცეოდა ხელისუფლება, ეს არის ის, რისთვისაც ვწვალობდით და რისთვისაც ვწვალობთ დღესაც“, - განაცხადა ბიძინა ივანიშვილმა.