საქართველოს ყოფილი პრემიერ-მინისტრი ბიძინა ივანიშვილი დღეს ხანგრძლივი დუმილის შემდეგ პირველი ინტერვიუთი გამოჩნდება. ინტერვიუ „საზოგადოებრივ მაუწყებელზე“ გავა, მანამდე კი ვრცელდება გადაცემის პრომო, სადაც ივანიშვილი კვირიკაშვილზე საუბრობს:

“საზოგადოების გარკვეულ ნაწილს, “ქართული ოცნების” შემდგომ სიღარიბის ზღვარი გაუარესდა. ორმა ბანკმა გადაჭამა მთელი ქვეყანა. ირღვეოდა ბალანსი სახელმწიფოს ინტერესებსა და ბიზნესის ინტერესებს შორის. არღვევდა მას კვირიკაშვილი თავისი ინტერესებით. მას აღარ შეეძლო მართვა. ორ კაცთან ახერხებდა ის გადაწყვეტილებების შეთანხმებას – ალავიძესთან და ქუმსიშვილთან. მას არ დარჩა არჩევანი. უნდა წასულიყო და წავიდა კიდეც”, – ამბობს ივანიშვილი გადაცემის ანონსში.