ე.წ. „მატროსოვის ციხეში“ დეკანოზ მამალაძესთან მეუფეების ვიზიტი ჩაიშალა

ე.წ. „მატროსოვის ციხეში“ დეკანოზ მამალაძესთან მეუფეების ვიზიტი ჩაიშალა - რას აცხადებს ადვოკატი

პოლიტიკა - 09:43, 24 Jul, 2018

1149

ე.წ ციანიდის საქმეზე დაკავებულ სასულიერო პირთან მიტროპოლიტების ვიზიტი გადაიდო. მეუფე გრიგოლი და მეუფე ილარიონი გიორგი მამალაძეს დღეს აღარ მოინახულებენ.

მესტიისა და ზემო სვანეთის მიტროპოლიტს, მეუფე ილარიონს პატიმრის მონახულების გადადების მიზეზზე ინფორმაცია არ აქვს და ამას გაუთვალისწინებელ შემთხვევას უკავშირებს:

„გაუთვალისწინებელი რამე ხდება ცხოვრებაში. ამას ვერავინ ვერ შეუშლის, ჩვეულებრივი პროცედურაა, რომ ნახო პატიმარი. არ ვიცი ნამდვილად, ველოდები ინფორმაციას, მიზეზი არ ვიცი.“- განაცხადა მეუფე ილარიონმა.

გიორგი მამალაძის ადვოკატი ვარაუდობს რომ რომ შეხვედრის ჩაშლა მიზანმიმართულად მოხდა. მიხეილ რამიშვილი არ გამორიცხავს, რომ ამაში საპატრიარქოსა და ხელისუფლების გარკვეული წარმომადგენლები იყვნენ ჩარეული:

„გარკვეულწილად, შესაძლოა გარკვეული პირების მოთხოვნის თანახმად გადაიდო ეს შეხვედრა. თუ არ აქვს გათავისებული რა არის უდანაშაულო ადამიანისთვის ლოდინი და ამას ვერ ითავსებს ვერცერთი სასულიერო პირი ეს არის კატასტროფა და მიუღებელი. ერთხელ მაინც ნახონ ადამიანი ან მაშინ ნუ გამოდიან და ნუ ამბობენ კითხვებზე პასუხი არ გვაქვსო“- განაცხადა მიხეილ რამიშვილმა.