ხარატიშვილის განცხადებით, ახალი პოლიტიკური გაერთიანების შესახებ სხვადასხვა პარტიებთან ინტენსიური მოლაპარაკებები მიმდინარეობს. ბაჩუკი ქარდავა კი მიიჩნევს, რომ ქვეყანაში ახალი პოლიტიკური ცენტრი უნდა გაჩნდეს, რომელშიც არა მხოლოდ პარტიები, არამედ საზოგადოებრივი ჯგუფებიც იქნებიან ჩართულნი:

„უნდა გაჩნდეს ახალი პოლიტიკური ცენტრი, რომელიც შექმნილი იქნება არა მხოლოდ პოლიტიკური პარტიებით, არამედ, მასში უნდა იყოს ჩართული საზოგადოებრივი ჯგუფებიც. ბუნებრივია, თუ ბატონი ზურაბი საბოლოო გადაწყვეტილებას მიიღებს ამ თემასთან დაკავშირებით, ჩვენ ამას აუცილებლად გამოვიყენებთ, პოლიტიკური აქტივობისთვის, თუნდაც იმისთვის, რომ პირველი ნაბიჯი გადავდგათ აქტიურ პოლიტიკაში ამ კუთხითაც, როცა ვსაუბრობთ პოლიტიკურ ცენტრზე, ცენტრს ეყოლება კანდიდატი და ეს იქნება ზურაბ ხარატიშვილი, „ეროვნულ-დემოკრატიული პარტია“ განზე არ გადგება და ამ იდეას მხარს დაუჭერს“, - განაცხადა ბაჩუკი ქარდავამ.