ხორავას ქუჩაზე მკვლელობის საქმის შემსწავლელი დროებითი საგამოძიებო კომისია პროკურატურის წარმომადგენლებს კითხავს.

„დღეს თბილისის პროკურატურის მაღალჩინოსნებთან გვაქვს შეხვედრა, რომლებიც თბილისის პროკურატურას ხელმძღვანელობდნენ მაშინ, როდესაც ხორავას ქუჩის გამოძიება მიმდინარეობდა. ესენი არიან მიხეილ შაყულაშვილი და გიორგი გაბოძე. ჩვენ მათთან კითხვები გვექნება უშუალოდ გამოძიების მიმდინარეობასთან დაკავშირებით, კონკრეტულად იმ ნაბიჯებთან დაკავშირებით, რაც მაშინ არ გადაიდგა და რასაც შეეძლო სერიოზული შედეგი ჰქონოდა, გამოძიების მიმდინარეობაზე გავლენა მოეხდინა.

ასევე კითხვები იქნება შესაბამის სათანადო თუ არასათანადო საგამოძიებო მოქმედებებზე და ამ ყველაფერში პროკურატურის როლზე. ჩვენ სავარაუდოდ დღეს პროკურატურის ყველა წარმომადგენლის გამოკითხვას ვერ მოვრჩებით და მათთან გასაუბრებას უახლოეს დღეებში გავაგრძელებთ”,- განაცხადა სერგი კაპანაძემ.