გიორგი მღებრიშვილი თანამდებობიდან გადადგა. ამის შესახებ გუშინ გახდა ცნობილი, გუშინ გავრცელებული ინფორმაციის თანახმად, მღებრიშვილი დაკავებული თანამდებობიდან პრემიერ-მინისტრმა მამუკა ბახტაძემ გაათავისუფლა და არ არის გამორიცხული, რომ მღებრიშვილის წარსული საქმიანობით პროკურატურა დაინტერესდეს.

„ქრონიკასთან“ საუბრისას კი გიორგი მღებრიშვილმა აღნიშნა, რომ მან თავად მიმართა პრემიერ ბახტაძე თხოვნით თანამდებობიდან გათავისუფლების შესახებ:

„ძალიან ბევრი ინტერპრეტაცია მოვისმინე და ძალიან ბევრი სასაცილო ინტერპრეტაციაც. სრული პასუხისმგებლობით გეუბნებით, რომ მე მივმართე პრემიერს თხოვნით, გავენთავისუფლებინე დაკავებული თანამდებობიდან, არავის აბსოლუტურად არც თხოვნა ყოფილა და არც მოთხოვნა ყოფილა, ჩემი თხოვნა იყო პრემიერისადმი, რომ დაკავებული თანამდებობიდან გამანთავისუფლოს, მე ამაში ვერაფერს საოცარს ვერ ვხედავ. მივიღე ეს გადაწყვეტილება იმიტომ, რომ დაახლოებით 22 წელია მე ვმუშაობ საჯარო სამსახურში. ვფიქრობ, რომ დროა ჩემი ცხოვრების ნაწილი, ჩემს მცირეწლოვან შვილებსაც დავუთმო.