სახალხო დამცველი ნინო ლომჯარია საგამოძიებო მასალებზე წვდომის უფლებას ითხოვს. ომბუდსმენმა აღნიშნული განცხადება პარლამენტში დღევანდელ პლენარულ სხდომაზე გააკეთა, სადაც ნინო ლომჯარიას ანგარიშის განხილვა მიმდინარეობს:

„დღევანდელი სხდომაც ადასტურებს, რომ სახალხო დამცველის მიმართ არსებობს მოლოდინები, რომ ის მონიტორინგს გაუწევს კონკრეტულ საგამოძიებო მოქმედებებს. სახალხო დამცველს არ აქვს წვდომა საგამოძიებო მასალებზე. ამიტომ ვსაუბრობ, რომ განსაკუთრებით მნიშვნელოვან საქმეებზე, როდესაც საქმე ეხება ადამიანის მკვლელობას, წამებას, იგივე საზოგადოებაში არსებული მოლოდინების გათვალისწინებით, იმის გათვალისწინებით, რომ საგამოძიებო უწყებების მიმართ მაღალი არ არის ნდობა, ვფიქრობ, კარგი იქნება, თუ ჩვენ გაგვეზრდება შესაძლებლობა საგამოძიებო მასალებზე წვდომის თვალსაზრისით“, - განაცხადა ნინო ლომჯარიამ.