მოსკოვის შეთავაზებას, სრულფასოვნად აღდგეს რუსეთ-საქართველოს ურთიერთობები, ბრიუსელში ვიზიტად მყოფმა საგარეო საქმეთა მინისტრმა უპასუხა. ზალკალიანის განცხადებით რუსეთთან დიპლომატიური ურთიერთობა მხოლოდ იმ შემთხვევაში აღდგება, თუ ოკუპანტი ქვეყანა უკან წაიღებს აფხაზეთისა და ე.წ. სამხრეთ ოსეთის აღიარების პოლიტიკას:

„სრულფასოვანი ურთიერთობები გადის იმ წითელ ხაზზე, რომელსაც ჰქვია საქართველოს ტერიტორიული მთლიანობა და სუვერენიტეტი, ამიტომ ყველა, მათ შორის რუსეთის ფედერაცია ვალდებულია პატივი სცეს საერთაშორისო სამართლის ნორმებს, ჩვენ არაერთი კონსტრუქციული ნაბიჯი გადავდგით, მიუხედავდ ჩვენი ტერიტორიების ოკუპაციისა, სამწუხაროდ, ამას არ მოჰყოლია შემხვედრი ნაბიჯები მათი მხრიდან, მაგრამ ჩვენი პოლიტიკა არის გამიზნული იქითკენ, რომ გაგრძელდეს სამშვიდობო ინიციატივები,“- ამბობს ზალკალიანი.