ეკონომიკისა და მდგრადი განვითარების ყოფილი მინისტრი დიმიტრი ქუმსიშვილი და რეგიონული განვითარებისა და ინფრასტრუქტურის მინისტრი ზურაბ ალავიძე მთავარ პროკურატურაში გამოკითხეს - ინფორმაცია ამის შესახებ "ნიუპოსტს" პროკურატურაშიც დაუდასტურეს.

საკითხს ეხმაურება საქართველოს პარლამენტის იურიდიულ საკითხთა კომიტეტის თავმჯდომარე ეკა ბესელია და აღნიშნავს,რ ომ ყოფილი მინისტრების დაკითხვა შესაბმის კითხვებზე პასუხის მოპოვებას ემსახურება:

„ჩვენ რამდენიმე დღის წინ მთავრობის დამტკიცების დროს ვუსმენდით ინფრასტრუქტურის სამინისტროს ხელძღვანელ პირს, მინისტრს ქალბატონ მაიას, რომელმაც კითხვაზე პასუხის დროს თქვა, რომ გარკვეული კითხვები არის კონკრეტულ გადაწყვეტილებებთან დაკავშირებით. გამოძიება მიმდინარეობს ზოგადად თანხების კანონიერებასთან დაკავშირებით, დაკითხვა მგონია, რომ არის ჩვეულებრივი საგამოძიებო პროცესი, რომელიც ინფორმაციის მიღებას, გადამოწმებას და დასმული კითხვების პასუხების მიზანს ემსახურება. მე არანაირი წინასწარი ინფორმაცია და წინაპირობა არ მაქვს, ასეთი, რომ რაიმე წინაპირობაზე იყოს საუბარი, ამიტომ არ შემიძლია ამის დადასტურება. რაც შეეხება გამოძიების დეტალებს, ჩვენ წვდომა სისხლის სამართლის მასალებთან არ გვაქვს, ალბათ არის რაღაც კითხვები, რომლის გადამოწმებაც გამოძიებას სურდა და მოწმის სახით დაკითხვა ამის შესაძლებლობასიძლევა“, - აღნიშნა ეკა ბესელიამ.