„კომკავშირელები“ - დავით ჭიჭინაძე ირაკლი კობახიძეს გადადგომისკენ მოუწოდებს

პოლიტიკა - 15:08, 17 Jul, 2018

1738

საქართველოს პარლამენტის თავმჯდომარეს ირაკლი კობახიძეს თანამდებობიდან გადადგომისკენ უმრავლესობის რიგებიდანაც მოუწოდებენ. ამის შესახებ კომენტარი ფრაქცია „ქართული ოცნების“ წევრმა დავით ჭიჭინაძემ გააკეთა. დავით ჭიჭინაძე იხსენებს, რომ ხისტი პოზიცია არა ყოფილ პრემიერს, არამედ საპარლამენტო უმრავლესობის კომკავშირელ წევრებს ჰქონდათ, სადაც სწორედ ირაკლი კობახიძე და მისი გუნდი იგულისხმება:

„მე, როდესაც ვაფასებ ამ ახალგაზრდა გუნდს, კომკავშირელებს რომ ვეძახი, ტყუილად არ ვეძახი, კომუნისტური პარტიის ყრილობების სხვადასხვა მოვლენას მახსენებენ, როდესაც ვიღაცას გაკიცხავდნენ, მერე გადაყენებულ ადამიანს ფეხებით რომ შედგებოდნენ. კომპრომისზე შეიძლება, წახვიდე ორი ადამიანი, როდესაც ერთმანეთში რაღაცაზე რიგდები, მაგრამ ორი ადამიანი გარიგებდა და აქ ათობით ადამიანი დაიხოცოს, მერე გამოხვიდე და ეს აღიარო, მე ასეთ კომპრომისზე არ წავსულვარ. რას ნიშნავს კომპრომისი, სხვების სიცოცხლის ხარჯზე, ეს ჩემთვის გაუგებარია. ამ ადამიანებს ეთიკის კოდექსზე რომ აქვთ პრეტენზია, რომ ესენი ვიღაცას ეთიკას დაუწერენ, როგორ უნდა მოიქცეს, პირველ რიგში, ეს არის განხილვის საკითხი და რა თქმა უნდა, უნდა გადადგეს,“- განაცხადა დავით ჭიჭინაძემ.