Forbes-მა ყველაზე მაღალანაზღაურებადი სელებრითების რეიტინგი გამოაქვეყნა

ეს საინტერესოა - 14:38, 17 Jul, 2018

2165

ჟურნალმა Forbes ყველაზე მაღალანაზღაურებადი ცნობილი ადამიანების ტოპ-100 გამოაქვეყნა. რომელშიც პირველ ადგილს მოკრივე ფლოიდ მეივეზერი იკავებს, რომლის წლიურმა ანაზღაურებამ 285 მილიონი დოლარი შეადგინა. ამ თანხის დიდი ნაწილი 275 მილიონი დოლარი მეივეზერმა კონორ მაკგრეგორთნა ბრძოლისას გამოიმუშავა 2017 წლის აგვისტოში.

მეორე ადგილზე გავიდა მსახიობი ჯორჯ კლუნი 239 მილიონი დოლარით. ის მას შემდეგ აღმოჩნდა რაც ბრიტანულმა ალკოჰოლურმა კომპანიამ Diageo-მ შეიძინა ტეკილას მწარმოებელი კომპანია Casamigos-ი, რომლის თანადამფუძნებელიც კლუნი იყო.

მესამე ადგილზეა რეალითი შოუს ვარსკვლავი კაილი ჯენერი 166,6 მილიონ დოლარიანი წლიური შემოსავლით. 2017 წელს ჯენერი ამ რეიტინგში 50-ე ადგილს იკავებდა.

მეოთხე ადგილს ფორბსის რეიტინგში იკავებს ადვოკატი და ყოფილი მოსამართლე ჯუდი შაინდლინი 147 მილიონი დოლარი შემოსავლით.

მეხუთე ადგილზეა მსახიობი დუეინ ჯონსონი 124 მილიონი დოლარით. მისი, როგორც მსახიობის მიერ მიღებული შემოსავლები ფორბსმა რეიტინგის 20-წლიანი ისტორიის მანძილზე ყველაზე მაღალ შემოსავლად მიიჩნია.

მეექვსეზეა მუსიკოსი U2 118 მილიონი დოლარით, მეშვიდეზე Coldplay 115 მილიონით, ათეულში არის არგენტინელი ფეხბურთელი ლიონელ მესი 111 მილიონი დოლარით მე-8 ადგილზე, მეცხრე ადგილზეა მუსიკოსი ედ შირანი 110 მილიონით, ხოლო ათეულს ამთავრებს პორტუგალიელი ფეხბურთელი კრიშტიანუ რონალდუ 108 მილიონი დოლარი.