საქართველოს პარლამენტის იურიდიულ საკითხთა კომიტეტის ხელმძღვანელის ეკა ბესელიას განცხადებით, მინდელის შახტში დასაქმებულთა ანაზღაურების საკითხზე შესაბამისი სამინისტრო და ამ პროცესის წარმომადგენლები სამუშაო ფორმატში უნდა შეთანხმდნენ:

„შესაბამისი სამინისტრო და ამ პროცესის წარმომადგენლები ღია და სამუშაო დიალოგის ფორმატში უნდა შეთანხმდნენ, რომ პირობები, რაც ძალიან მნიშვნელოვანია და განცხადება, რაც პრემიერ-მინისტრმა გააკეთა, უზრუნველყოფილი და რეალიზებული იყოს დასაქმებული ადამიანებისთვის შრომითი პირობების დაცვის კუთხით. ხელფასებთან დაკავშირებითაც შეთანხმება უნდა შედგეს და ვფიქრობ, რომ ეს ყველაფერი უკვე სამუშაო პროცესშია გადასატანი“, – განაცხადა ეკა ბესელიამ.