ვაშინგტონში 29 წლის რუსი ჯაშუში ქალი დააკავეს

მსოფლიო - 11:16, 17 Jul, 2018

3507

ვაშინგტონში 29 წლის რუსი ქალი მარია ბუტინა დააკავეს, როგორც აშშ-ის იუსტიციის სამინისტრო იტყობინება, მას რუსეთის ხელისუფლებისთვის მუშაობა ედება ბრალად.

თავად ბუტინა, თავისი ადვოკატის მეშვეობით აცხადებს, რომ ცოტა ხნის წინ მიიღო მაგისტრის ხარისხი ამერიკის ერთ-ერთ უნივერსიტეტში და არანაირ აგენტს არ წარმოადგენს.

როგორც აშშ-ის იუსტიციის უწყება იტყობინება, ბუტინა მინიმუმ 2015 წლიდან 2017 წლის თებერვლამდე მუშაობდა რუსეთის ხელისუფლების მაღალჩინოსთვის, რომელიც შემდგომში რუსეთის ცენტრალური ბანკის ერთ-ერთი ხელმძღვანელი გახდა.

ჩინოვნიკის სახელი არ სახელდება, მხოლოდ ის არის ცნობილი, რომ 2018 წლის აპრილში ის აშშ-ის სანქციების ქვეშ მოექცა. რუსეთში მარია ბუტინა ცნობილი იყო, როგორც სენატორ ალეკსანდრ ტორშინის თანაშემწე, ასევე საზოგადოებრივი მოძრაობა „იარაღის უფლების“ გამგეობის წევრი.

ბუტინა კვირას დააკავეს, მისი საქმის მოსმენა კი ოთხშაბათსაა დანიშნული. აშშ-ის საგამოძიებო უწყებების ვერსიით, ის ცდილობდა აშშ-ში ემუშავა, როგორც რუსეთის გავლენის აგენტს. კეძოდ, ის რუსეთის ინტერესების გატარების მიზნი, ურთიერთობას ამყარებდა აშშ-ის იმ მოქალაქეებთან და ორგანიზაციებთან, რომლებსაც შეეძლოთ აშშ-ის პოლიტიკაზე გავლენა მოეხდინათ. საქმის მასალებიდან გამომდინარე ბუტინამ არ შეატყობინა აშშ-ის ხელისუფლებას, რომ ის რუსეთის ინტერესებს ლობირებს, აშშ-ის კანონი კი მოითხოვს, რომ ლობისტები ოფიციალურუიად იქნენ დარეგისტრირებულნი.