აშშ-ისა და რუსეთის პრეზიდენტების შეხვედრაზე საქართველოს ოკუპაციის საკითხისთვის გვერდის ავლას, ქვეყნის ხელისუფლების უმოქმედობას და არაეფექტურ საერთაშორისო პოლიტიკას უკავშირებს ექსპერტი ბათუ ქუთელია.

„ის რომ საერთაშორისო ფორუმებზე საქართველოს საკითხი არ განიხილება, როგორც სტრატეგიული ასევე რეგიონალურ დონეზე არის საქართველოს მთავრობის დანაშაული და შედეგი იმ არაეფექტური საგარეო პოლიტიკის. ახლა უკვე ჩვენ ვიმკით შედეგებს ამ საგარეო პოლიტიკის,“-ამბობს საქართველოს ატლანტიკური საბჭოს ვიცე-პრეზიდენტი ბათუ ქუთელია.

ანალიტიკოსები მთავრობისგან საგარეო პოლიტიკის ცვლილებასა და ყველა საერთაშორისო ბერკეტის გამოყენებას ითხოვენ რათა კონფლიქტურ ზონებზე საუბრისას საქართველოს საკითხი მუდმივად იყოს დღის წესრიგში.