მოგერინი ევროკავშირისა და "აღმოსავლეთ პარტნიორობის" ქვეყნების ურთიერთობაში აშკარა პროგრესს აფიქსირებს

მსოფლიო - 13:05, 16 Jul, 2018

1855

ევროკავშირი აფიქსირებს აშკარა პროგრესს "აღმოსავლეთის პარტნიორობის" წევრ ექვსივე ქვეყანასათან ურთიერთობაში და აპირებს მათ მომავალში კიდევ უფრო აქტიური მხარდაჭერა გაუწიოს, - აცხადებს ევროკავშირის საგარეო უწყების ხელმძღვანელი ფედერიკა მოგერინი ჟურნალისტებთან საუბარში.

მოგერინიმ ასევე დაანონსა, რომ ოქტომბერში გაიმართება ევროკავშირისა და აღმოსავლეთ პარტნიორობის წევრი ქვეყნების - უკრაინის, საქართველოს, აზერბაიჯანის, სომხეთის, ბელორუსისა და მოლდოვის საგარეო საქმეთა მინისტრების სამიტი, სადაც განიხილება მომავლის პერსპექტივები. ამ მომავალ სამიტს მოგერინი მნიშვნელოვანი უწოდა არამარტო პარტნიორი ქვეყნებისთვის, არამედ ევროკავშირისთვისაც.

"ჩვენ აშკარად წინ წავიწიეთ, თითოეულმა სხვადასხვა დოზით, მაგრამ პროგრესი აშკარაა და ეს თანამშრომლობა განსაკუთრებული მნიშვნელობისაა არამარტო მათთვისაც, არამედ ჩვენთვის," - აცხადებს მოგერინი.

შეგახსენებთ, 14-15 ივნისს, ქ. ბათუმმა რიგით მე-15 საერთაშორისო კონფერენციას - „საქართველოს ევროპული გზა" უმასპინძლა, რომელიც წელს, პირველად, საგარეო საქმეთა სამინისტროს ორგანიზებით გაიმართა. კონფერენციაში მონაწილეობას ფედერიკა მოგერინიც იღებდა.

ასევე, კონფერენციაში მონაწილეობა მიიღეს საქართველოს, ევროკავშირის და „აღმოსავლეთ პარტნიორობის" წევრი ქვეყნების აღმასრულებელმა და საკანონმდებლო ხელისუფლების წარმომადგენლებმა, ასევე, სამოქალაქო საზოგადოების, აკადემიური წრეების, მედიისა და ბიზნეს სექტორის წარმომადგენლებმა.