"ამ ქვეყანაში ცხოვრობდა ორი მილიარდერის ოჯახი და ორივეს ოჯახს ამ დიპლომით ვემსახურებოდი"

"ამ ქვეყანაში ცხოვრობდა ორი მილიარდერის ოჯახი და ორივეს ოჯახს ამ დიპლომით ვემსახურებოდი" - შალვა თადუმაძე

პოლიტიკა - 13:12, 16 Jul, 2018

1152

მთავარი პროკურორობის პოსტზე წარდგენილი თადუმაძე აცხადებს, რო მასზე, როგორც იურისტზე, ყოველთვის იყო.
შალვა თადუმაძის დიპლომი დღეს საკანონმდებლო ორგანოში განხილვის საგანი იყო.

“არც ერთ შემთხვევაში არ ვაპირებდი ჩემს განათლებაზე და დიპლომზე საუბარს, რომ არა ქალბატონი ენძელას მიმართ ჩემი ღრმა პატივისცემა. მე, 1992-2000 წლებში ის უმაღლესი სასწავლებლები დავამთავრე, რომელიც ლეგალურად კანონმდებლობით საქართველოში არსებობდა და განათლების დამადასტურებელი ის დოკუმენტები მივიღე, რა დოკუმენტებსაც ეს უმაღლესი სასწავლებლები გასცემდა. არც ერთი წუთით არ ვნანობ, რადგან დიპლომი არის არამატერიალური აქტივი და იმის მიხედვით ფასდება, თუ რამდენად შესძლო განათლებამიღებილმა პირმა თავის რეალიზება. არც ერთი დღე მე უმუშევარი არ ვყოფილვარ. ჩემზე, როგორც იურისტზე ყოველთვის იყო მოთხოვნა. ამ ქვეყანაში ორი მილიარდელის ოჯახი ცხოვრობდა და ორივე მილიარდელის ოჯახს ამ დიპლომით ვემსახურებოდი. ამ ქვეყნაში, როგორც ადვოკატი, რამდენიმე ათეულ გენერალს ვემსახურებოდი. ამ დიპლომით შევძელი, რომ საკანონმდებლო ინიციატივებზე მემუშავა მთავრობის ნაწილში და ექვსი წლის განმავლობაში ყველა პოლიტიკურ გუნდს ჰქონდა შესაძლებლობა, მონაწილეობა მიეღო იმ საკანონმდებლო ინიციატივების განხილვაში, რომელსაც ან პირადად მე ვწერდი ან მე ვიღებდი მის დაწერაში მონაწილეობას. ამიტომ, არ მესმის, ჩემს განათლებასთან დაკავშირებით რატომ გაჩნდა კითხვები“, - განაცხადა თადუმაძემ ენძელა მაჭავარიანის პასუხად, რომელმაც კანდიდატს მის განათლებაზე მეტი დეტალის დაკონკრეტება სთხოვა.