„სამოქალაქო მოძრაობა - ძალა ერთობაშია“ დღეს ოფიციალურად დაფუძნდა, ათმა ოპოზიციურმა პარტიამ ერთობლივ დეკლარაციას მოაწერა ხელი. ოპოზიციური პარტიები ხვალ საერთო საპრეზიდენტო კანდიდატს წარადგენენ.

„ჩვენ გვეყოლება ყველაზე მაგარი საპრეზიდენტო კანდიდატი. კანდიდატი, რომელიც არის თავისი ცოდნით, პროფესიონალიზმით, გამოცდილებით მართლაც ღირსეული იმისთვის, რომ დაამშვენოს საქართველო და რაც მთავარია, თავისი თავი მიუძღვნას ქვეყანას, საქართველოს. ჩვენ ვიწყებთ ძალიან მაგარი გუნდის ფორმირებას, რომელიც ემზადება ხელისუფლებაში მოსასვლელად. იქნება პროფესიონალების გუნდი, მაღალი ღირებულებების და მაღალი სტანდარტების გუნდი, რომელსაც სჯერა, რომ საქართველოს შეუძლია იყოს მაღალი სტანდარტების ქვეყანა“, - აღნიშნავს „ახალი საქართველოს“ ლიდერი გიორგი ვაშაძე.