15 ივლისს, 9 ოპოზიციურ პოლიტიკურ პარტიას შორის გამართულ საკონსულტაციო შეხვედრაზე გადაწყდა, რომ ჩამოყალიბდება ახალი პოლიტიკური ერთობა „სამოქალაქო მოძრაობა - „ძალა ერთობაშია“. რომელიც 17 ივლისს ერთიან საპრეზიდენტო კანდიდატს დაასახელებს,

გადაწყდა, რომ 16 ივლისს აღნიშნული ორგანიზაციოა ოფიციალურად დაფუძნდება და ხელი მოეწერება დეკლარაციას, სადაც გაწერილი იქნება ამ მოძრაობის სამოქმედო გეგმები.

ოპოზიციური პოლიტიკური პარტიების ლიდეფრები აცხადებენ, რომ ეს გაერთიანება არ იქნება მხოლოდ საპრეზიდენტო არჩევნებისთვის, არამედ იგი მის შემდეგადაც გააგრელებს ერთობლივ მუშაობას არსებული ხელისუფლების შეცვლის მიმართულებით.

პარტიების ლიდერები აცხადებენ, რომ "ძალა ერთობაშია" არ არის ჩაკეტილი ორგანიზაცია და მასში მონაწილეობა შეუძლია სხვადასხვა პოლიტიკურ თუ სამოქალაქო ჯგუფებს, საზოგადოებისათვის ცნობილ ადამიანებს, რომელთაც სურთ შეცვალონ "ქართული ოცნების" ხელისუფლება და მათი პოლიტიკური ორიენტაცია გამოკვეთილად პროდასავლიურია.