ჭე-კლასი, იქ, სადაც ჰყავთ წულუკიანი, მათ ყველას აქვს ზურგზე დამღა - ოპოზიცია ბახტაძის კაბინეტს უნდობლობას უცხადებს

პოლიტიკა - 18:45, 14 Jul, 2018

1724

მამუკა ბახტაძისმინისტრთა კაბინეტს ოპოზიციის მხარდაჭერა არ აქვს. ხელისუფლების ოპონენტების გაღიზიანება იუსტიციის მინისტრობის კანდიდატად თეა წულუკიანის წარდგენამ გამოიწვია.

„ქართული ოცნების გუნდი ყოველთვის თამაშობდა მეორე ლიგაში, არასდროს არ ჰყავდათ ვარსკვლავები და ხარისხიანი გუნდი, მაგრამ რაც წლები მიდის, დეკვალიფიკაციაა, მერე გადავიდნენ მესამეში, მეოთხეში, ახლა ეს გუნდი არის ყველაზე სუსტი და ფაქტობრივად, თამაშობენ ჭე-კლასში. რაც შეეხება თავად პერსონალურ შემადგენლობას, ფრთიანი ანგელოზებიც რომ იყვნენ, 11-დან 10, იქ, სადაც ჰყავთ წულუკიანი, მათ ყველას აქვს ზურგზე დამღა - 6-წლიანი წარუმატებლობისა, ერთი წვეთი ნავთობი აფუჭებს 25 ლიტრ წყალს,“ - განაცხადა ნაციონალური მოძრაობის წევრმა, რომან გოცირიძემ.

ევროპული საქართველოს ლიდერი ამბობს, რომ ბახტაძის პროგრამა, პრაქტიკულად, გადმოწერილია წინა პროგრამებიდან, ხოლო სიახლეები, რომელიც დამატებულია, სრულიად გაუაზრებელი.

"მაგალითად, იმ ტიპის, როდესაც განათლების მინისტრის მთავარი პრიორიტეტი ზამთრის ოლიმპიადის ჩატარება იქნება საქართველოში, ჩვენ ვნახეთ შემადგენლობა, რომელიც ერთი მხრივ, შედგება სახეებისგან, რომლის ნახვაც საზოგადოებას მკაფიოდ აღარ უნდა მთავრობაში, ხოლო მეორე მხრივ, არიან სრულიად უცნობი სახეები და ადამიანები, რომლის შესახებაც საზოგადოებამ არაფერი იცის, ხვალინდელი დღიდან იქნებიან პასუხისმგებელი, ასობით ათას ოჯახის ცხოვრებაზე,“ - განაცხადა მა, დავით ბაქრაძემ.

საპარლამენტო უმრავლესობა მამუკა ბახტაძის პარლამენტში სიტყვით გამოსვლით კმაყოფილია.

„ახალი პრიორიტეტული მიმართულებების თაობაზე ისაუბრა, მე გამოვყოფდი მათ შორის მოქალაქეთა სოციალური დაცვისა და სამართლიანობის კომპონენტს, რომელიც გამოიხატა ჰუმანურ აქტში - საგადასახდო დავალინების ჩამოწერა 2011-2012 წლებში,“ - განაცხადა ეკა ბესელიამ.