"პოლიტიკური კურიოზია “ქართული ოცნება“ კანდიდატს ვერ ასახელებს - დააყენებს თუ არა მარგველაშვილი საპრეზიდენტო არჩევნებზე კანდიდატურას

პოლიტიკა - 16:10, 14 Jul, 2018

1812

საქართველოს პრეზიდენტმა TV 25 -ის ჟურნსლისტის კითხვებს უპასუხა. მათ შორის ერთ-ერთი კითხვა შეეხებოდა მომავალ საპრეზიდენტო არჩევნებში მონაწილეობის საკითხს. ჟურნალისტმა ქვეყნის პირველ პირტს ჰკითხა შესაძლოა თუ არა ის გაერთიანდეს დავით უსუფაშვილთან, ირაკლი ალასანიასთან ან გიორგი კვირიკაშვილთან, რაზეც მარგველაშვილმა უპასუხა, რომ ამ მიმართულებით რაიმე კონკრეტული ხედვა არ აქვს.

“არჩევნებთან დაკავშირებით ერთი სერიოზული კომპონენტია, “ქართული ოცნება“ კანდიდატს ვერ ასახელებს. ამ პროცესის შემადგენელი ნაწილია ჩემს მიერ კანდიდატურის დასახელება-არდასახელების საკითხი. პროცესს რომ ვაკვირდები, პოლიტიკური კურიოზია, მმართველი პოლიტიკური ძალა კანდიდატს ვერ ასახელებს. იცით რატომ ვერ ასახელებს? იმის გამო, რასაც 5 წელიწადი პრეზიდენტის ინსტიტუტის მიმართ აკეთებდნენ. ეს იყო შეურაცხყოფის, დაკნინების, პოლიტიკური შანტაჟის, პროპაგანდის ზღვა, რომელიც ააზვირთეს. ეს ყველაფერი ახლა ‘“ქართულ ოცნებაში“ მყოფმა „ნაციონალებმა“ კი არ ქნეს, არამედ მათ, ვინც თავიდან იყვნენ „ოცნებაში“. კანდიდატს ვერ არჩევენ, რადგან მას ძალიან ბევრ კითხვაზე მოუწევს პასუხის გაცემა“, - განაცხადა მარგველაშვილმა.