გახდება თუ არა აჭარის მთავრობის თავმჯდომარე „ოცნების“ კანდიდატი რიჟვაძე

გახდება თუ არა აჭარის მთავრობის თავმჯდომარე „ოცნების“ კანდიდატი რიჟვაძე - რას ამბობს პრეზიდენტი (ვიდეო)

პოლიტიკა - 15:11, 14 Jul, 2018

1720

საქართველოს პრეზიდენტი ამბობს, რომ აჭარის მტავრობის თავმჯომარის შერჩევისას ის კონულტაციებს როგორც პოლიტიკურ პარტიებთან, ასევე საზოგადოებასთან გადის.

როგორც მარგველაშვილმა TV 25 - ის ეთერში განაცხადა, ეს პროცესი ღიაა, რაც დემოკრატიის შემადგენელი ნაწილია.

ჟურნალისტი დაინტერესდა, დაარწმუნეს თუ არა 3 საათიანი შეხვედრის შემდეგ მმართველი გუნდის წევრებმა რომ მათ მიერ დასახელებული კანდისდატი უალტერნატივოა.

პრეზიდენტის თქმით, აჭარაში ის მხილოდ "ქართული ოცნების" წარმომადგენლებს არ შეხვედრია. მისი განცხადებით კონსულტაციები გამართა ოპოზიციასთან და პრეზიდენტის ადმინისტრაციის წარმომადგენლები ამ წუთებში ხვდებიან საინიციატიოვო ჯგუსის წევრებს, რომლებიც აჭარის მთავრობის ხელმძღვანელად საკუთარ კანდიდატს სთავაზობენ პრეზიდენტს.

"საინტერესოა ის რომ ბატონ რიჟვაძეზე ოპოზიციასთან შეხვედრისას რაიმე სერიოზული უარყოფითი ვერ დასახელდა. გარდა იმისა რომ საუბარია, რომ ის ახალგაზრდაა, რაც ძლიერი არგუმენტი არ არის"- განაცხადა პრეზიდენტმა.

პრეზდენტის თქმით, მისთვის ამოსავალი წერტილია რას ფიქრობს საზოგადოება.

"ახალგაზრდობა არ არის იმის ნიშანი, რომ ადამიანი ქვეყანას არ გამოადგება"- თქვა მარგველაშვილმა და დასძინა,რომ მისთვის "რიჟვანის კანდიდატურა მიუღებელი არ არის", თუმცა დაუჭერს თუ არა მას პრეზიდენტი მხარს, ქვეყნის პირველმა პირმა არ ისაუბრა.

"კონსტიტუციის მიხედვით, ჩემი ფუნქცია მდგომარეობს იმაში, რომ მე უნდა წარვადგინო რეგიონის ხელმძღვანელის კანდიდატურა და ეს საზოგადოებასთან მაქსიმალური კონსულტაციების გზით უნდა განხორციელდეს. ეს კონსულტაციები ახლაც გრძელდება. მე იმედი მაქვს, შევძლებთ ჩამოვყალიბდეთ ისეთ კანდიდატზე, რომელიც რეგიონისთვის სასარგებლო იქნება და გარკვეულწილად გააღრმავებს იმ დადებით პროცესებს, რომლებიც რეგიონში ხორციელდებოდა ან იმ გამოწვევებს უპასუხებს, რომელიც რეგიონს ნამდვილად აქვს“- თქვა პრეზიდენტმა.

მარგველასვილის თქმით, სადაც კონკურენცია არ არის პროცესი ჯანსაღი ვერ იქნება. ცნობისთვის, ოპოზიციას აჭარის მთავრობის ხელმძღვანელის პოსტზე კანდიდატი არ წარუდგენია.