ოკუპირებული აფხაზეთის ე.წ. შავი სია აერში გასროლილი სიტყვებია

ოკუპირებული აფხაზეთის ე.წ. შავი სია აერში გასროლილი სიტყვებია - სესიაშვილი

პოლიტიკა - 14:30, 14 Jul, 2018

1128

ოკუპირებული აფხაზეთის მიერ ტატუნაშვილი-ოთხოზორიას სიის საპასუხოდ შექნილ „ხიშბა–სიგუას სიას“ პარლამენტის თავდაცვის და უშიშროების კომიტეტის თავმჯდომარე გამოეხმაურა.
ირაკლი სესიაშვილის განცხადებით, აღნიშნულ ე.წ. შავ სიას არანაირი იურიდიული ძალა არ აქვს.
„ის, რა პოზიციასაც დააფიქსირებს საქართველოს ხელისუფლება, ყოველთვის იქნება მხარდაჭერილი საერთაშორისო საზოგადოების მიერ და მას ექნება იურიდიული ძალა. რაც შეეხება აფხაზეთის გარკვეული წარმომადგენლების კონტრრეაქციას, ეს არის ჰაერში გასროლილი სიტყვები, მას არანაირი ძალა არ აქვს. ეს იყო მხოლოდ მათი რეაქცია. მანამ, ვიდრე აფხაზეთი იქნება ოკუპირებული, აფხაზი ხალხის პოზიციები არის, სამწუხაროდ, დაკარგული და მას არანაირი იურიდიული ძალა არ აქვს. ამ სიის შინაარსი და მათი შემდგომი დამოკიდებულება, როგორ მოხდება სიის დამტკიცება, მეორეხარისხოვანია. ეს მხოლოდ არის კონტრრეაქცია, რომელსაც იურიდიული ძალა არ აქვს“, - განაცხადა ირაკლი სესიაშვილმა.

ოთხოზორია-ტატუნაშვილის სიის საპასუხოდ ოკუპირებული აფხაზეთი შავი სიის საკუთარ ვერსიაზე მუშაობს. არასასურველი პირების ჩამონათვალი ე.წ.-მა რესპუბლიკურმა საზოგადოებრივმა ორგანიზაციამ შეადგინა და საოკუპაციო რეჟიმის პარლამენტსა და მთავრობას გადაუგზავნა. სია 26-კაციანია.

ჩამონათვალში მოხვდნენ მიხეილ სააკაშვილი, ბაჩო და სოსო ახალაიები, ვანო მერაბიშვილი, ირაკლი ოქრუაშვილი, მეგის ქარდავა, დავით კეზერაშვილი, რომა შამათავა, თენგიზ კიტოვანი და სხვები.