"ხიშბა–სიგუას" სიას ბოკერია აკლია

"ხიშბა–სიგუას" სიას ბოკერია აკლია - ადა მარშანია

პოლიტიკა - 13:56, 14 Jul, 2018

1833

პატრიოტთა ალიანსის" წევრი ადა მარშანია ამბობს, რომ "ხიშბა–სიგუას" სიაში ბევრი ადამიანი სამართლიანად მოხვდა".

" როდესაც 2008 წელს ომი მიმდინარეობდა, მაშინ ეს ბატონები იყვნენ საქართველოს მმართველები, ამიტომ დააკავშირეს ომთან და იმ დანაშაულებებთან, რომელშიც ადანაშაულებენ. ცალკე რომ ავიღოთ მიხეილ სააკაშვილს მეც შევიყვანდი სიაში, ახალაიას, კეზერაშვილს და აგერ ბოკერია გვიზის პარლამენტში. ჩვენ არ უნდა გაგვიკვირდეს, რომ გაჩნდა ეს სია და ანალიზი უნდა გავუკეთოთ ამ სიას. სხვათა შორის, ძალიან ბევრი პიროვნება, რომელიც ამ სიაში მოხვდა აბსოლუტურად სამართლიანად მოხვდა, მათ შორის სააკაშვილი ახალაია, ბოკერია აკლია იმ სიას. პირდაპირ გენოციდში ცხადია, რთულია დაადანაშაულო ადამიანი, მაგრამ ის, რომ აბსოლუტური დამნაშავეა რუსეთის ფედერაციის ხელისუფლებასთან ერთად იმდროინდელი მთავრობა, ანუ საააკშვილი-ბოკერია, რომ ეს საომარი მოქმედებები მოხდა და რა მოყვა მერე ამას ცხადია დამნაშავეები არიან. გენოციდი ცალკე მძიმე დანაშაულია, ცხადია, ამას უნდა დამტკიცება"-განაცხადა მარშანიამ.

ოთხოზორია-ტატუნაშვილის სიის საპასუხოდ ოკუპირებული აფხაზეთი შავი სიის საკუთარ ვერსიაზე მუშაობს. სია 26-კაციანია.

„ხიშბა-სიგუას სიაში“ მოხვდნენ: საქართველოს მესამე პრეზიდენტი მიხეილ სააკაშვილი, თავდაცვის ყოფილი მინისტრები - ბაჩო ახალაია, შინაგან საქმეთა ყოფილი მინისტრი ვანო მერაბიშვილი, დავით კეზერაშვილი, ირაკლი ოქრუაშვილი, თენგიზ კიტოვანი და გია ყარყარაშვილი, სახელმწიფო უშიშროების ყოფილი მინისტრი ირაკლი ბათიაშვილი, საქართველოს შეიარაღებული ძალების გაერთიანებული შტაბის ყოფილი უფროსი ზაზა გოგავა, თავდაცვის სამინისტროს ყოფილი მაღალჩინოსანი მეგის ქარდავა, ბრიგადის გენერალი მამუკა ყურაშვილი, „ტყის ძმების“ ლიდერი დავით შენგელია, შსს-ს ყოფილი თანამშრომელი რომან შამათავა და სხვა პირები.