ოკუპირებული აფხაზეთის ე.წ. შავი სიას არანაირი ძალა არ ექნება და მხოლოდ საქართველოში მყოფ რუსეთის აგენტურას გაახარებენ

ოკუპირებული აფხაზეთის ე.წ. შავი სიას არანაირი ძალა არ ექნება და მხოლოდ საქართველოში მყოფ რუსეთის აგენტურას გაახარებენ - გოცირიძე

პოლიტიკა - 13:48, 14 Jul, 2018

1291

ოთხოზორია-ტატუნაშვილის სიის საპასუხოდ ოკუპირებული აფხაზეთი შავი სიის საკუთარ ვერსიაზე მუშაობს. არასასურველი პირების ჩამონათვალი ე.წ.-მა რესპუბლიკურმა საზოგადოებრივმა ორგანიზაციამ შეადგინა და საოკუპაციო რეჟიმის პარლამენტსა და მთავრობას გადაუგზავნა. სია 26-კაციანია.

ჩამონათვალში მოხვდნენ მიხეილ სააკაშვილი, ბაჩო და სოსო ახალაიები, ვანო მერაბიშვილი, ირაკლი ოქრუაშვილი, მეგის ქარდავა, დავით კეზერაშვილი, რომა შამათავა, თენგიზ კიტოვანი და სხვები.

ფაქტს რომან გოცირიძე გამოეხმაურა. მისი თქმით, ამ სიით, მხოლოდ საქართველოში მყოფი რუსეთის აგენტურის წარმომადგენლები გაიხარებენ. დეპუტატი ამბობს, რომ დოკუმენტს არანაირი ძალა არ ექნება.

„რა არის ეს „ვეტერანთა კავშირი“ არავინ იცის. ბუნებრივია, რუსეთის აგენტურა იქნება, რომელსაც დაავალეს რაღაცის გამოქვეყნება. სიას უნდა ჰქონდეს პოლიტიკური ძალა და ის უნდა იყოს სამართლებრივად გამართული. ჩვენი სია პარლამენტის მიერ შექმნილი დოკუმენტია, რომელსაც საერთაშორისო საზოგადოების მხარდაჭერა აქვს.
არაფერი აზრი არ აქვს, თუნდაც ე.წ. პარლამენტმა მიიღოს ეს სია და მერე რა დატვირთვა უნდა ჰქონდეს? არაფერი, მხოლოდ საქართველოში არსებულ რუსეთის აგენტურას გაახარებენ“, - განაცხადა რომან გოცირიძემ.