პარლამენტის სხდომაზე მთავრობის განახლებული შემადგენლობისთვის ნდობის გამოცხადებაზე მსჯელობენ.

დეპუტატებს საქართველოს პრემიერ-მინისტრმა მამუკა ბახტაძემმიმართა.

"მე ზურგს მიმაგრებენ მინისტრები, რომლებიც ყველა კრიტერიუმით იმსახურებენ თქვენს ნდობას"- თქვა ბახტაძემ.

მისი თქმით, ლოდინის დრო არ არის და ახალი მთავრობის მთავარი ორიენტირი შედეგია.

პრემიერი დარწმუნებულია, რომ სწორედ მცირე, მაგრამ ეფექტიანი მთავრობა შექმნილ რეალობაში ერთმნიშვნელოვნად საუკეთესო გამოსავალია.

„ეს არის მთავრობის მართვის მოდელი, რომელიც პირდაპირ მიმართულია ბიუროკრატიული ხარჯების დაწევაზე. ჩვენი ამოცანაა, რომ ბიუროკრატია გავხადოთ რაციონალური, მოქნილი და ეფექტიანი...

დაპირებისამებრ მთავრობის სხდომაზე მნიშვნელოვანი ინიციატივა იქნა წარდგენილი, რომლის მიხედვითაც კომპანიებს 2013 წლის 1 იანვრის მდგომარეობით საგადასახადო დავალიანება ჩამოეწერებათ

ამ კომპანიების დიდი ნაწილი იძულებული გახდა შეეჩერებინა საქმიანობა და კომპანიები დაეხურათ იმის გამო, რომ არასამართლიანად დააკისრეს ჯარიმები 2011-2012 წლებში. როგორც ეს დაპირებები შესრულდა, ანალოგიურად შესრულდება ყველა სხვა დაპირებაც...

მე დაგპირდით, რომ სამი კვირის განმავლობაში დავაკომპლექტებდი ძლიერ სამთავრობო გუნდს. დღეს მე ზურგს მიმაგრებენ მინისტრები, რომლებიც ყველა კრიტერიუმით იმსახურებენ თქვენს ნდობას და ერთმნიშვნელოვნად ვიმეორებ, არიან თავის საქმის პროფესიონალები, რომლებსაც აქვთ ზუსტი ხედვა, როგორ უნდა მოვახდინოთ ჩვენი პროგრამის წარმატებული იმპლემენტაცია 2018-1019 წლებში“, - განაცხადა პრემიერ-მინისტრმა.