რამდენი ახლო ნათესავი გყავთ? 5?10? 30? აი ოდესის ოლქის სოფელ დობროსლავში მაცხოვრებელ პაველ სემენიუკს 346 ახლო ნათესავი ჰყავს, ესენი არიან მისი შვილები, შვილიშვილები, შვილთაშვილები, შვილიშვილისშვილიშვილები. სემენიუკების ოჯახი ოფიციალურად ითვლება ყველაზე დიდ ოჯახად უკრაინაში და მსოფლიოს ყველაზე დიდი ოჯახის ტიტულის მოსაპოვებლად იბრძვის.

სემენიუკების „კლანის“ მეთაური პაველი 87 წლისაა, ის წარმოშობით მოლდოვიდანაა, როდესაც დაქორწინდა ის ჯერ 20 წლის არ იყო. პაველსა და მის ცოლს მარიას 13 შვილი გაუჩნდათ, სამი მათგანი დაიღუპა. დარჩენილი შვილებიდან თითოეულს საშუალოდ 12 შვილი ჰყავს. ასე რომ შვილიშვილების რაოდენობა 127-ია, შვილთაშვილების 207, ხოლო შვილიშვილის შვილიშვილების 2 და კიდევ რამდენიმე შვილიშვილის შვილიშვილის დაბადებას ელოდება.

სემენიუკები ძალიან მორწმუნეები არიან, ისინი 50-იანელების რელიგიურ ჯგუფს მიეკუთვნებიან, ოჯახის არცერთი წევრი არ სვამს, არ ეწევა და არასდროს ქონია პრობლემები კანონთან. ამასთანავე მათ არასდროს უჭამიათ ხორცი.

როდესაც პაველ სემენიუკს ეკითხებიან მისი ყველა შთამომავლის სახელი ახსოვს თუ არა , ის აღიარებს, რომ არა. იმისთვის, რომ არ აერიოს, უფროსი სემენიუკი ყველა ახალი შთამომავლის დაბადებისას სახელს და დაბადების თარიღს შესაბამის წიგნაკში იწერს. სემენიუკების ოჯახი 2018 წლის ივლისში უკრაინის რეკორდების წიგნში შევიდა, როგორც ყველაზე დიდი ოჯახი.