"მე არ მრცხვენია მშობიარობის შემდეგ დარჩენილი მუცლის, ვამაყობ კიდეც" - Victoria’s Secret-ის ანგელოზი კრიტიკოსებს პასუხობს

ეს საინტერესოა - 12:40, 12 Jul, 2018

15738

29 წლის სამხრეთ აფრიკელი მოდელი, Victoria’s Secret-ის ანგელოზი ქენდის სვეინპოლი და მისი ბრაზილიელი, ასევე მოდელი ბოიფრენდი ჰერმან ნიკოლი 13-წლიანი ურთიერთობის შემდეგ მეორე შვილის მშობლები გუშინ გახდნენ. ქენდისმა მეორე ბიჭი არიელი 19 ივნისს, სახლში გააჩინა.
მშობიარობიდან რამდენიმე დღეში ქენდისი პაპარაცებმა სანაპიროზე დააფიქსირეს. სოციალური ქსელის მომხმარებლების ნაწილმა მის სხეულზე უარყოფითი კომენტარების წერა დაიწყო. რასაც ქენდისი ინსტაგრამზე გამოეხმაურა.
"ეს მე ვარ, ჩემი ბიჭის გაჩენიდან 12 დღის შემდეგ. ხალხი ძალიან ბოროტი შეიძლება იყოს. ასეთ დღეებში სილამაზის სტანდარტები ქალებისთვის ხშირად შეუძლებელია. მე არ მრცხვენია ჩემი მშობიარობის შემდეგ დარჩენილი მუცლის. სინამდვილეში ვამაყობ კიდეც... 9 თვე ჩემს ბიჭს ამ მუცლით ვატარებდი და მგონი გამოვიმუშავე უფლება, პატარა მუცელი მქონდეს. ეს იმიტომ ხდება, რომ მოდელი ვარ? ჩვენ ნორმალური ადამიანები ვართ და გთხოვთ, დაგვრთოთ ნება სანაპიროზე სიმშვიდეში ვისიამოვნოთ" - დაწერა ქენდისმა.

ქენდისმა პირველი შვილი 2016 წლის ოქტომბერში გააჩინა და 2016 წლის VS-ის შოუ გამოტოვა. 2017 წლის ნოემბერში კი პოდიუმს დაუბრუნდა და, Victoria’s Secret-ის შოუ გახსნა. თუმცა პატარა მუცელი ეტყობოდა . ფანებმა მაშინვე დაიწყეს წერა, რომ ქენდი მეორეზე იყო ორსულად. 2017 წლის დეკემბერში ტოპ მოდელმა დაადასტურა, რომ მეორე ბავშვს ელოდებოდა.

ქენდისი 13 წელია მოდელ ჰერმან ნიკოლთან არის ურთიერთობაში . ისინი 2005 წლიდან ურთიერთობაში არიან და დანიშნულები არიან. წყვილი პირველი ბიჭის ანაკას მშობლები 2016 წლის 5 ოქტომბერს გახდნენ.

ქენდისი 17 წლის იყო, როდესაც ჰერმანი გაიცნო და მას შემდეგ ერთად არიან. ის მისი პირველი შეყვარებულია.