„პატიმარმა მოგვაწოდა ინფორმაცია, რომ ჩემი მკვლელობა რუსმა გენერალმა შეუკვეთა“

„პატიმარმა მოგვაწოდა ინფორმაცია, რომ ჩემი მკვლელობა რუსმა გენერალმა შეუკვეთა“ - დოდო გუგეშაშვილის სკანდალური განცხადება

პოლიტიკა - 12:33, 12 Jul, 2018

9105

თადარიგის ყოფილმა პოლკოვნიკმა დოდო გუგეშაშვილიმა რამდენიმე დღის წინ მისი შვილის მკვლელობის შესახებ ახალი სკანდალური ინფორმაცია შეიტყო.

როგორც „ნიუპოსტს“ დოდო გუგეშაშვილმა განუცხადა, მის ადვოკატს, გელა ნიკოლეიშვილს ერთ-ერთმა პატიმარმა მიაწოდა ინფორმაცია, რომ მასზე განხორციელებული თავდასხმის უკან რუსეთის სპეცსამსახურები დგანან.

“მოგვაწოდეს ინფორმაცია, რომ ჩემს ლიკვიდაციას რუსი გენერალი უკვეთავდა. როგორც ჩემი ადვოკატი მეიბნება, პატიმარი უახლოეს პერიოდში განცხადებას გააკეთებს და კონკრეტულ გვარებზე ისაუბრებს. ადრე თქვენთანაც ვისაუბრე იმ საეჭვო გარემოებაზე, რომელიც ჩემი მხრიდან უკრაინის მიმართულებით საზღვრის კვეთას ეხებოდა, თუმცა სამშობლოში დაბრუნებულს დაფიქსირდა, რომ თითქოს მოსკოვიდან დავბრუნდი. ამ საკითხზე განცხადებაც შევიტანე, თუმცა პასუხი ამ დრომდე არ მიმიღია. მე რეალურად ორივეჯერ უკრაინიდან, კერძოდ ბორისპოლის აეროპორტიდან გამოვფრინდი.

თუ ეს ინფორმაცია დადასტურდა, ოკუპანტი რუსეთსბევრ ცუდ სიურპრიზს მოვაწყობ, - განაცხადა გუგეშაშვილმა.

თადარიგის პოლკოვნიკს, დოდო გუგეშაშვილს და მის შვილს 7 თებერვალს, საკუთარ საცხოვრებელ სახლში თავს დაესხნენ, თავა,სხმელმა 33 წლის ნოდარ გუგეშაშვილი ადგილზე მოკლა, თადარიგის პოლკოვნიკი კი მძიმედ დაჭრა.

გამოძიებას მკვლელი ამ დრომდე არ ჰყავს დაკავებული.