უკრაინის პრეზიდენტი პეტრო პოროშენკო, ხორვატიის ნაკრების წევრის დომაგოი ვიდას ირგვლივ ატეხილ სკანდალს ფეისბუკზე ეხმაურება და მას მადლობას უხდის. მოგეხსენებათ, ხორვატიის ეროვნული ნაკრების მცველმა დომაგოი ვიდამ და სამწვრთნელო შტაბის წევრმა ოგნენ ვუკოევიჩმა რუსეთთან მატჩის შემდეგ, გასახდელში ვიდეო ჩაწერეს, სლოგანით „დიდება უკრაინას“, რის გამოც პირველმა გაფრთხილება მიიღო, მეორემ კი სოლიდური ჯარიმა და დისკვალიფიკაცია.

„უკრაინელებისა და ხორვატების ურთიერთობის ისტორია საუკუნეებს ითვლის.

ხოვატებმა, ისე როგორც არავინ იციან, როგორია მხარდაჭერა მძიმე დროს, ასეთი დაპირისპირების დღეებში. ძალიან ღირებულია ჩვენთვის დომაგოისა და ოგნენის მხარდამჭერი სიტყვები.

უკრაინა აფასებს ამ მხარდაჭერას და რა თქმა უნდა მზად არის ნამდვილ მეგობრებს დაუჭიროს მხარი.

დიდება უკრაინას!“ - წერს პოროშენკო.

აღნიშნულ თემაზე მეტი ინფორმაცია გაიგეთ აქ : "დიდება უკრაინას" და "შიგ კრემლში"- ყველაფერი დომაგოი ვიდას სკანდალის შესახებ