ქვეყანაში არსებული ეკოლოგიური პრობლემები - დღეს გამართულ ბრიფინგზე საქართველოს პრემიერ-მინიტრმა მამუკა ბახტაძემ რამდენიმე ინიციატივაზე ისაუბრა:

„მინდა შევეხო ეკოლოგიას და იმ პრობლემას, რომელიც დღეს დგას და ობიექტურად, თითოეულმა ჩვენთაგანმა ვიცით, რომ ეს არის ერთ-ერთი ყველაზე მძიმე გამოწვევა დღეს ჩვენი ქვეყნისთვის, აქედან გამომდინარე ჩვენ დავამუშავეთ ძალიან მნიშვნელოვანი ინიციატივები, რომელიც მოკლე ვადაში საშუალებას მოგვცემს ამ მიმართულებით მივიღოთ ძალიან მნიშვნელოვანი შედეგები. მე მინდა ის მიმართულებები ჩამოგითვალოთ, რომელზეც გავაკეთებთ აქცენტს. ეს არის პირველ რიგში საწვავის ხარისხის გაზრდა, ამასთან ერთად აიკრძალება საქართველოში დაბალი სტანდარტების ავტომანქანების იმპორტი და გამკაცრდება მოთხოვნები ტექნიკურ დათვალიერებაზე, ამასთან ერთად შევა მასშტაბური ცვლილებები სამშენებლო სამუშაოების წარმოებისა და საქალაქო ტრანსპორტის ხარისხის გაუმჯობესების კუთხით. ეტაპობრივად სრულად მოხდება ეგრეთ წოდებული ყვითელი ავტობუსების ჩანაცვლება, ამასთანდ აკავშრებით ჩვენ ვმუშაობთ ერთობლივ სტრატეგიაზე თბილისის მერიასთან ერთად და ივლისის ბოლომდე ჩვენ გავაკეთებთ ამ ძალიან მასშტაბური სტრატეგიის პრეზენტაციას“, - განაცხადა მამუკა ბახტაძემ.