ვინ არის 17 წლის გოგონა, რომელსაც NASA მარსზე გასამგზავრებლად ამზადებს (ფოტოები)

ეს საინტერესოა - 16:44, 11 Jul, 2018

3960

NASA 17 წლის ელისა კარსონის პროფესიონალურ ასტრონავტად „ზრდის.“

ლუიზიანელ ელისას ოცნება აქვს, გახდეს პირველი ადამიანი, რომელიც 2033 წელს, მარსზე დადგამს ფეხს.

ამისთვის მას დიდი მომზადება სჭირდება, რის გამოც ძალას არ იშურებს და დარწმუნებულია, ოცნებას აიხდენს.

ჯერ კიდევ 14 წლის ასაკში, ელისას NASA-ს ვიზიტორების 14-ვე ცენტრში იყო ნამყოფი. ასევე ელისა გახდა ყველაზე ახალგაზრა ადამიანი, რომელმაც კოსმოსური აკადემიაც დაამთავრა. ახლა ელისა ინტენსიურ მზადებას გადის და სასკოლო საგნებს ოთხ ენაზე სწავლობს - ინგლისურად, ჩინურად, ფრანგულად და ესპანურად.

„ყველაზე დიდი გამოწვევა დროა. თუმცა, აქტიურად ვემზადები, ამავდროულად სკოლაში დავდივარც. ვიცი, რომ წვრთნები კიდევ უფრო გართულდება, თუმცა მზად ვარ გამოწვევებს გავუმკლავდე“ - განაცხადა ელისამ.

ასტრონავტობის გარდა, ელისა სპიკერია და ალაგაზრდებისთვის ხშირად კითხულობს საჯარო ლექციებს.

„ყოველთვის მიჰყევით თქვენს ოცნებებს და არავის მისცეთ უფლება, ის წაგართვან“ - ამბობს ელისი.

მისი თქმით, მისთვის შთამაგონებელი ადამიანები ასტრონავტები არიან, განსაკუთრებით კი ქალი ასტრონავტები, რომლებმაც მას გზა გაუკვალეს.