ამერიკის შეერთებული შტატების პრეზიდენტთან სამუშაო საუზმის შემდეგ, იენს სტოლტენბერგს კითხეს, როგორი იყო დონალდ ტრამპთან საუზმე, რაზეც ნატოს გენერალურმა მდივანმა უპასუხა, რომ საუზმე არაჩვეულებრივი იყო, თან აშშ-ის ხარჯებით

„არაჩვეულებრივი ფორთოხლის წვენი, ხილის სალათა, ტოსტი და თან ყველაფერი აშშ-ის ხარჯებით.“ - აღნიშნა იენს სტოლტენბერგმა.

სტოლტენბერგის ეს ხუმრობა იმ ფაქტს უკავშირდება, რომ დონალდ ტრამპი მუდმივად აკეთებს აქცენტს იმაზე, რომ ჩრდილო-ატლანტიკური ალიანსისთვის ყველაზე მეტ ფულს აშშ ხარჯავს, ის ევროპული ქვეყნები კი, რომელთა დასაცავად ამერიკელი გადასახადის გადამხდელების ფული იხარჯება, რუსეთთან თანამშრომლობენ და ბუნებრივი გაზის მიწოდებისთვის მილიარდებს უხდიან.