დიდი ბრიტანეთის სამეფო ოჯახის ახალგაზრდა წყვილი კვლავ ყურადღების ცენტრშია.

პრინცმა ჰარიმ და ჰერცოგინია მეგან მარკლმა პირველი დიპლომატიური ვიზიტი დაიწყეს. სასექსის ჰერცოგი და ჰერცოგინია ირლანდიას ესტუმრნენ.

დუბლინში ჰერცოგინია Givenchy-ის მწვანე სამოსით ჩაფრინდა, რომელიც ირლანდიელებისთვის განსაკუთრებული ფერია და მაშინვე დაიმსახურა მოდის კრიტიკოსების საუკეთესო შეფასებები. მოგვიანებით მეგანი დიდი ბრიტანეთის საელჩოში გამართულ მიღებაზე Emilia Wickstead-ის შავ, ელეგანტურ კაბაში გამოჩნდა.

ოფიციალური ვიზიტის მეორე დღეს, მეგანი და ჰარი ირლანდიის პრეზიდენტმა მიიღო. მიღებაზე სასექსის ჰერცოგინია მისი მეგობრის, Roland Mouret-ის კაბაში ბრწყინვალედ გამოიყურებოდა.