ადამიანები, რომლებაც ტაილანდის მღვიმის ტყვეობაში მყოფი ბიჭები სიცოცხლის ფასად იხსნეს (ფოტოები)

მსოფლიო - 14:11, 11 Jul, 2018

7168

ტაილანდში, 13 ადამიანისთვის 18 -დღიანი ტყვეობა გუშინ დასრულდა. მღვიმეში ჩარჩენილი 12-ივე ბავშვი და მათი მწვრთნელი გაადარჩინეს. ყველა მათგანი გამოქვაბულიდან გამოიყვანეს.
შეგახსენებთ, 12 მოზარდი და მათი 25 წლის მწვრთნელი 23 ივნისს დაიკარგნენ. ისინი ტაილანდის ჩრდილოეთ ნაწილში მდებარე ტჰამ ლუანგის გამოქვაბულში შევიდნენ, მოულოდნელად ძლიერი წვიმა წამოვიდა, გამოქვაბული წყლით აივსო და ჯგუფი მღვიმიდან გარეთ ვეღარ გამოვიდა. დაკარგულები ცხრა დღის შემდეგ იპოვეს.

სამაშველო ოპერაცია დროში იყო შეზღუდული, რადგან მოსალოდნელი იყო, ნებისმიერ დროს წამოსულიყო მუსონური წვიმები, რომელიც მღვიმეში წყლის დონის მატებას გამოიწვევდა.

მღვიმეში 90-მდე აკვალანგისტი მუშაობდა. 40 ტაილანდელი და 50 სხვა ქვეყნებიდან. სამაშველო ოპერაციაში სულ 13 უცხოელი და 5 ტაილანდელი მყვინთავი მონაწილეობდა. 4 მაშველი ბოლო წუთამდე მღვიმეში იყო, მათ მღვიმე მაშინ დატოვეს, როდესაც იქიდან ყველა გაიყვანეს. ბიჭების გადარჩენის ოპერაციისას ერთი მაშველი დაიღუპა. მან მღვიმეში ჟანგბადის ბალონები შეუტანა ბიჭებს, უკანა გზაზე კი თვითონ დაუმთავრდა ჟანგბადი.

სამაშველო ოპერაცია სრულ სიბნელეში სიარულს, ცოცვას, ცურვას და ყვინთვას გულისხმობდა. ბავშვები გამოქვაბულიდან ნაწილ-ნაწილ გამოჰყავდათ. მაშველებს და ბიჭებს სახეზე სპეციალური ნიღბები ეკეთათ. ასევე თან ჰქონდათ ჟანგბადის ბოთლები. თითოეულ ბიჭს ორი მაშველი აცილებდა.