საპროკურორო სხდომის დაწყებამდე პროკურორობის კანდიდატმა შალვა თავდუმაძემ ჟურნალისტებთან კომენტარი გააკეთა. თადუმაძის განცხადებით, მთავარი პრობლემა, რაც უწყებაშია, საზოგადოების დაბალი ნდობის ხარისხია და სამართლიანობის აღდგენის მოლოდინი.

თადუმაძის თქმით, იგი დღეს საბჭოს წარუდგენს იმ ხედვას, რომელიც პროკურატურის განვითარებასთან დაკავშირებით აქვს:

„მთავარი პრობლემა, რაც უწყებაშია, არის საზოგადოების დაბალი ნდობის ხარისხი და სამართლიანობის აღდგენის მოლოდინი, რომელიც კვლავ დიდ გამოწვევად რჩება. წარვდგები დღეს საბჭოს წინაშე და წარვადგენ იმ ხედვას რომელიც პროკურატურის განვითარებასთან დაკავშირებით მაქვს. ეს ხელს შეუწყობს ერთი მხრივ, მაღალი საზოგადოებრივი ნდობის ხარისხი მოიპოვოს ამ უწყებამ და მეორე მხრივ, კომპლექსური ხედვით მოხდეს იმ პრობლემის გადაჭრა, რასაც სამართლიანობის აღდგენა ჰქვია. ამ რეფორმის ფარგლებში ჩვენ მივიღებთ სამართლიან პროკურატურას, თავდაჯერებულ პროკურორს და ღია სახელმწიფო უწყებას, რომელსაც მაღალი საზოგადოებრივი ნდობა ექნება”, – განაცხადა თადუმაძემ.