საქართველოს ურთიერთობა ალიანსთან კიდევ უფრო გაღრმავდება და ამ სამიტის შემდგომ გვექნება უფრო მეტი შესაძლებლობა, რომ ხელი შეუწყოთ საქართველოს ალიანსში ინტეგრაციას

საქართველოს ურთიერთობა ალიანსთან კიდევ უფრო გაღრმავდება და ამ სამიტის შემდგომ გვექნება უფრო მეტი შესაძლებლობა, რომ ხელი შეუწყოთ საქართველოს ალიანსში ინტეგრაციას - თენგიზ ფხალაძე

პოლიტიკა - 20:27, 10 Jul, 2018

947

საქართველოს პრეზიდენტის საერთაშორისო მდივანი თენგიზ ფხალაძე ბრიუსელის ნატოს სამიტის მოლოდინებთან დაკავშირებით საუბრობს და დარწმუნებულია, რომ ნატოს დოკუმენტებში ღირსეულად იქნება ასახული და შეფასებული იქნება ის პროგრესი, რომელსაც ამ ხნის განმავლობაში საქართველომ მიაღწია.

თენგიზ ფხალაძის განცხადებით, ნატოს სამიტი მიმდინარეობს უაღრესად მნიშვნელოვან და დაძაბულ უსაფრთხოების გარემოში. აქედან გამომდინარე განსაკუთრებული მნიშვნელობა აქვს თვითოეულ ფორმატსა და თითოეულ შეხვედრას, რომელზეც გვაქვს შესაძლებლობა საქართველოს წინაშე მდგარ პრობლემებსა და გამოწვევებზე.

,,ამ სამიტის ფარგლებში ტარდება უპრეცენდენტო შეხვედრა, რომელზეც საქართველოს პრეზიდენტს აქვს შესაძლებლობა ნატოს წევრი სახელმწიფოების მეთაურებთან ერთად განიხილოს და უშუალოდ ისაბროს საქართველოს უსაფრთხოების პრობლემებზე.

რაც შეეხება მოლოდინებს, საქართველოს ხელისუფლება ელოდება, რომ საქართველოს ურთიერთობა ალიანსთან კიდევ უფრო გაღრმავდება და ამ სამიტის შემდგომ გვექნება უფრო მეტი შესაძლებლობა, რომ ხელი შეუწყოთ საქართველოს ალიანსში ინტეგრაციას. საქართველოსთან დაკავშირებით სპეციალური დოკუმენტის მიიღებას ველოდებით", - განაცხადა თენგიზ ფხალაძემ.

მისი თქმით, მსჯელობა გაიმართება ასევე შავი ღზვის უსაფრთხოების თემატიკასა და მათ შორის საქართველო შავი ზღვის უსაფრთხოების კონტექსტშიც იქნება განხილული.

,,ის თუ რა შედეგები იქნება შავი ზღვის უსაფრთხოების საკითხებთან დაკავშირებით, ეს დამოკიდებულია, არა მხოლოდ საქართველოზე არამედ, ალიანსში კონსესუსზე.

არის უაღრესად საინტერესო და მნიშვნელოვანი კონფცეფციები, რომელთა შესახებაც მოხდება მსჯელობა და შეჯერება. ქართულ მხარეს აქვს საკუთარი ხედვა, რომელიც ინტეგრირებული ამ საერთო ხედვაში'', - განაცხადა თენგიზ ფხალაძემ.