უჩინარი დროშა - ლგბტ აქტივისტებმა რუსეთში ჰომოფობია ფეხბურთის მაისურებით გაპროტესტეს (ფოტოები)

მსოფლიო - 17:50, 10 Jul, 2018

2407

ლგბტ აქტივისტებისთვის რუსეთში ნებისმიერი აქტივობა რომ აკრძალულია, ეს ყველასთვის ცნობილია. მათთვის აკრძალულია მშვიდობიანი აქციები, ლგბტ სიმბოლოების საჯაროდ გამოყენება, საუბარი ზედმეტია გეი პრაიდებზე.

მსოფლიოში პრაიდის თვე აღინიშნება. რუსმა სამართალდამცავებმა კი ლგბტ აქტივისტებს უფლება არ მისცეს პრაიდს შეერთებოდნენ. თუმცა, ჰომოფობიის გასაპროტესტებლად მშვიდობიანი პროტესტი The Hidden Flag იგივე „უჩინარი დროშა“ მოაწყვეს.

მოგეხსენებათ, რუსეთში მსოფლიო ჩემპიონატი ტარდება. აქტივისტები ექვსი ქვეყნიდან არიან : ესპანეთი, ჰოლანდია, ბრაზილია, მექსიკა, არგენტინა და კოლუმბია.

გეი აქტივისტებმა ერთმანეთი ვებგვერდის მეშვეობით გაიცნეს და რუსეთში „ჩუმი“ აქციის მოწყობა გადაწყვიტეს მსოფლიო ჩემპიონატის მიმდინარეობისას. ისინი საკუთარი ქვეყნების ეროვნული ნაკრებების ფორმებში არიან გამოწყობილები, შესაბამისი თანმიმდევრობით დალაგებისას კი ლგბტ აქტივიზმის სიმბოლო დროშა ისახება. პოლიციასაც ისინი ფეხბურთის გულშემატკივრები ჰქონია და ვერც ამჩნევენ , რომ მათ წინ ლგბტ დროშაა წარმოდგენილი. თუმცა, საინტერესოა, რას ფიქრობენ სამართალდამცავები, როდესაც ჰოლანდიის ნაკრების მაისურში გამოწყობილ გულშემატკივარს ხედავენ, რადგან ჰოლანდია მსოფლიო ჩემპიონატზე საერთოდ არ მონაწილეობს.